Abalevi 25:23 - Baibuli Ekibono kya Katonda 2014

²³ “Eitaka tiriitundibwenga butaizibwa, kuba ninze mwene lyo. Imwe muli basenze busenze ku itaka eryo.

Abalevi 25:23 ပူးပေါင်းရင်းမြစ်များ

Amainhama 23:4

“Nze ndi wa ndha mu imwe era omusenze. Munganhe nfune ekifo mu nsi yaimwe, eky'okuziikamu mukazi wange afiire.”

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

1 Bakyabazinga 21:3

Aye Nabothi yaakoba Ahabu ati: “Musengwa Katonda agwananga yaaloba kundeka ni nkugha omugabo ogw'ensikirano ogwagheebwa badhaadha bange.”

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

2 Ebyomubyanda 7:20

olwo ndibinga Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu, naalifuula eky'okwogeraku era enseko dh'abalamu mu maghanga goonagoona.

Zabbuli 119:19

Ku nsi kuno ndiku ng'omugeni omugenze; mpa okutegeera ebiragiro byo.

Zabbuli 24:1

Ensi ya Musengwa Katonda n'ebigiriku byonabyona; n'Abantu boonaboona abali ku nsi ba Musengwa Katonda;

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Zabbuli 85:1

Wo Musengwa Katonda, wagonza inho ensi yo wairiza Yakobo obukombe.

Okuvaayo 19:5

Kale ni, bwe munaagonderanga bye mbakoba, ni mukuuma endagaano yange, mwidha kubanga bantu bange ab'endhawulo ku bantu bange abandi boonaboona. Ensi yoonayoona yange, aye imwe munaabanga bantu bange abalondemu.

Okuvaayo 2:22

Zippori yaazaalira Musa omwana omulenzi, Musa yaamutuuma Gereshomu, ng'akoba ati, “Kuba mmuzaire nga ndi musenze ghano mu nsi etali yange.”

Isaia 8:8

Galyeyongera okukuuluulira mu Buyudaaya, gaidhulamu mwonamwona okutuuka ni mu nkoto, gaidhuza n'ensi yoonayoona y'ekoma.” Katonda aba ghalala n'ife.

Ezekieli 48:14

Ekiketezo ekyo kye mulyawulaku nga kya Musengwa Katonda mwene, n'ekirisinga bulungi mu nsi eyo yoonayoona era kiriba kitukuvu. Tikiritundibwaku naire, waire okukifaanisaamu, oba okukigha omuntu owundi yeenayeena.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Yoeli 2:18

Agho Musengwa Katonda yaalumirwa ensi ye, era yaasaasira abantu be.

Yoeli 3:2

Ndisoloza abamaghanga goonagoona, naabatwala mu kyetebwa Ekiiko kya Yehoshafati. Era nga bali eyo, ndibasalira omusango olw'ebyo bye baakola ku bantu bange Abaisiraeli kuba baabasansaaniza eyo mu maghanga, era baagabana ensi yange Isiraeli.

Abalevi 25:10

Mu nsambo eyo munaatukuzanga omwaka ogwamakumi ataanu (50). Munaalangiriranga eri abatyamye b'omu nsi yaimwe muti baidha kulekulwa babe ba idembe. Mu mwaka ogwo abantu banairizibwanga ebintu byaibwe ebyatundibwa, era abantu abaatundibwa mu bwiru, banaalekulwanga bairayo mu bantu baibwe.

Abalevi 25:24

Eitaka bwe linaatundibwanga, munaaganhanga mwene lyo eyasooka yaalinunula.

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.