Abalevi 25:21 - Baibuli Ekibono kya Katonda 2014

²¹ Nze Musengwa Katonda ndibagha enkabi mu mwaka ogwomukaaga, ensi yaabaza emere enaabamazangaku emyaka ebiri.

Abalevi 25:21 ပူးပေါင်းရင်းမြစ်များ

Amainhama 26:12

Agho Isaaka yaasiga ensigo mu nsi eyo, yaakungulamu emikuzi kikumi ku bye yasiga mu mwaka ogwo gwene, kuba Musengwa Katonda yamugha enkabi.

Amainhama 41:47

Mu myaka omusanvu egy'omwero, ensi yaabaza emere kamaala.

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Okuvaayo 16:29

Bona eno, nze Musengwa Katonda nabagha Sabbato, era kyenva ni mbagha emere emala enaku eibiri ku lunaku olwomukaaga. Kale ku lunaku olwomusanvu buli muntu asigale ghaka aghazira kuja kukola mulimo gwonagwona.”

Okuvaayo 16:5

Ku lunaku olwomukaaga, obungi obw'emere ye banaasolozanga bwidha kubanga bwa mikuzi ebiri okusinga bwe banaasolozanga ku nnaku edhindi.”

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Ezekieli 34:26

“Ndibagha enkabi, era baabanga mu kiketezo ekyezungulwire olusozi lwange. Naabaleeteranga amaadhi amalungi okugwa mu biseera byago mwe bageetaagira.

Abalevi 25:4

Aye omwaka ogwomusanvu, gunaabanga mwaka gwa kuleka eitaka liwuumulire irala, omwaka ogugheereibwayo eri Musengwa Katonda. Mutasiganga nsigo mu nimiro dhaimwe, era mutawooleranga masamba gaimwe ag'emizabbibu.

Abalevi 25:6

Waire ng'eitaka tiriirimwenga omwaka ogwo gwonagwona, aye linaababalizanga emere, imwe, n'abairu baimwe, n'abakozi baimwe, n'abasenze abali mu imwe,

2 Ab'e Korintho 9:10

Katonda oyo agha omulimi ensigo n'emere ey'okulya, anaabaghanga era yaayazanga ensigo dhaimwe, obugabi bwaimwe bweyongerengaku.

Amateeka Agokubiri 28:3

“Mwidha kubanga n'enkabi mu bibuga byaimwe, era mubenga n'enkabi ni mu nimiro dhaimwe.

Amateeka Agokubiri 28:8

“Musengwa Katonda waimwe aidha kubaghanga enkabi mu byonabyona bye munaakolanga, aidhuzenga emere mu byagi byaimwe. Aidha kubaghanga enkabi mu nsi y'ali kubagha.