Abalevi 25:18 - Baibuli Ekibono kya Katonda 2014

¹⁸ “Mugemenga amateeka gange, era mugonderenga ebiragiro byange, olwo munaabanga n'emiraala mu nsi.

Abalevi 25:18 ပူးပေါင်းရင်းမြစ်များ

1 Bakyabazinga 5:5

Kale kye nviire ni nsalagho okuzimbira Musengwa Katonda wange eisinzizo, nga Musengwa Katonda oyo bwe yakoba lata wange Daudi ati, ‘Mutabane wo, ye ndita ku kityamo eky'obwakyabazinga okukusikira, n'alinzimbira eisinzizo.’

Zabbuli 103:18

era yaabwoleka abo abakuuma endagaano, ni bagumira ku biragiro bye.

Zabbuli 4:8

Bwe nambaala, ntenduka n'emiraala, kuba niiwe Musengwa Katonda wenka onkuuma obukalamu, ni ghabula akantuukaku naire.

Ensambo 1:33

Aye oyo awulira bye nkoba aidha kubanga mu miraala, era atyamenga atereere ng'aziramu kutya naire.”

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Yeremia 25:5

abaabakobanga bati, ‘Buli muntu alekere okukola ebibi era akyuse empisa dhe embi. Memale olwo musigale nga muli mu nsi Musengwa Katonda ye yabagha, imwe ni badhaadha baimwe, ebenga yaimwe ku bwaimwe.

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Ezekieli 33:29

Bwe ndibonereza abantu olw'ebyo ebyenhinhalwa bye bakola, ndireetera n'ensi eno okusigala agho etyo ng'eri bifulukwa byereere omutaba bantu, olwo balimanha nga ninze Musengwa Katonda.”

Abalevi 19:19

“Mugemenga ebiragiro byange. Otaganhanga nsolo dho kuzaalagana na dha kika kindi. Otasiganga mu nimiro yo nsigo dha bika bibiri. Otavaalanga kivaalo kya ngoye dha bika bibiri ebirukiirwa aghalala.

Abalevi 19:37

Mugemenga amateeka gange n'ebiragiro byange, era mubigonderenga. Ninze Musengwa Katonda.”

Abalevi 25:19

Era ensi enaabazanga ebibala byayo, mwafuna bye mulya mwaiguta, mwaba n'emiraala.

Amateeka Agokubiri 12:10

Aye bwe munaasomoka omwiga Yorudani, Musengwa Katonda waimwe aidha kubagha ensi eyo mugitwale. Aidha kubawonianga abazigu baimwe ababeezungulwire, mubenga miraala.

Amateeka Agokubiri 33:12

Yaasabira Ababenjamini ati: “Bano n'abantu Musengwa Katonda b'agonza. Baidha kubanga mu miraala gh'ali. Aidha kubakuumanga ekiseera kyonakyona, era aidha kubabangamu.”

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.