Abalevi 25:17 - Baibuli Ekibono kya Katonda 2014

¹⁷ Mutaseeragananga, aye mutyenga Musengwa Katonda waimwe.

Abalevi 25:17 ပူးပေါင်းရင်းမြစ်များ

Amainhama 20:11

Aburahamu yairamu ati: “Kuba nabaire ndowooza nti eno ezira atya Katonda, kale nga basobola okundhita olwa mukazi wange.

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Amainhama 42:18

Ku lunaku olw'okusatu Yosefu yaabakoba ati: “Nze ndi muntu atya Katonda. Kale mukole kye nja okukoba, memale mughange okuwonia obulamu bwaimwe:

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Nehemia 5:9

Naabakoba nti: “Kye muli kukola ti kirungi naire! Ekyandibagwaniire n'okutyanga Katonda waife memale olwo mwalobera abazigu baife abo abamaghanga agandi okutuyeeyerezanga.

Zabbuli 19:9

Okutya Musengwa Katonda kulungi; era kuligho ebyanda n'ebyanda. Okusala omusango okwa Musengwa Katonda tikubaamu kwekubira; era kuba kutuufu buliidho.

Okuvaayo 20:20

Musa yaakoba abantu ati: “Mutatya, kuba Katonda aidhie kubaleba, n'okubongeramu okumutya, mulobe kwonoona.”

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 16:6

Musengwa Katonda atoola ebibi ku muntu omuwulize era omwesigwa, era yaawonia omuntu amutya, okukola ebibi.

Ensambo 22:22

Otatetenkerezanga mwavu olw'okuba ti yeeghanga, oba okukiriga omughafu ali kuwoza omusango.

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Yeremia 22:16

Yasaliranga abaavu n'abali mu bwetaavu emisango mu butuufu, era ng'ebintu bimujiira bukalamu. Okwo kwe beeta okumanha Musengwa Katonda.

Abalevi 19:13

“Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Abalevi 19:14

Mutakolimiranga musigha, era mutateeranga mutulu kitimuguunha mu ngira ni yeekontolaku. Aye mutyenga nze Musengwa Katonda waimwe.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Abalevi 25:14

Kale bwe mubanga muguza Baisiraeli banaimwe eitaka, oba nga mubagulaku, mutaseeragananga.

Abalevi 25:36

Otamutoolangaku magoba waire, aye otyanga Katonda wo, waaleka Muisiraeli mwino yaaba gh'oli.

Abalevi 25:43

Muisiraeli mwino otamufugisanga bukambwe, aye otyanga Katonda wo.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Luka 12:5

Aye ka mbalabuleku: Mutye oyo ali n'obukumu obw'okwita n'okusuula mu geyeena. Bwenebwene mbakobera oyo ye mube mutye!

Ebikolwa by'Abatume 10:2

Yali muntu wa idiini era nga mwene n'ab'omu maka ge baisa mu Katonda ekitiisa. Yaghanga abantu obuyambi kamaala era nga talekera kusaba Katonda.

Ebikolwa by'Abatume 10:35

Aye mu buli ighanga, asiima kiisi amwisaamu ekitiisa era n'akola ekituufu.

Ebikolwa by'Abatume 9:31

Agho Ekikunsu eky'Abaikiriza mu Kurisito eky'omu Buyudaaya mwonamwona, Galilaaya ni Samaria, kyaba miraala. Ekikunsu eky'Abaikiriza mu Kurisito kyakakata nga kiisa mu Musengwa ekitiisa, era kyagazigha nga Mwoyo Mutukuvu bw'akiyamba.

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

Ab'e Roma 3:18

waire okwega okutya Katonda.”

Amateeka Agokubiri 25:18

Baabalumba bwe mwali nga mukooye era nga muwoiremu amaani, baaloba kutya Katonda, baita boonaboona abaali nga basembyeyo einhuma waimwe, ng'amagulu gabazitoighe.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

1 Samueli 12:24

Kale ni mwisenga mu Musengwa Katonda ekitiisa, mumugheerezenga nga muli beesigwa n'omwoyo gwaimwe gwonagwona, nga mwidhukira ebintu ebikologho by'abakoleire.