Abalevi 25:14 - Baibuli Ekibono kya Katonda 2014

¹⁴ Kale bwe mubanga muguza Baisiraeli banaimwe eitaka, oba nga mubagulaku, mutaseeragananga.

Abalevi 25:14 ပူးပေါင်းရင်းမြစ်များ

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

Zabbuli 10:18

Tega kutu owulirise bamulekwa n'abatuntuzibwa, obasalire omusango mu butuufu basinge, olwo ghabule omuntu yeenayeena ku nsi atiisatiisa obulamu bwa baine.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 21:13

Ole aloba okuwulirisa omwavu ng'ali kumulirira, yeena lw'alirira tibalimuwulirisa.

Ensambo 22:16

Omuntu atuntuza omwavu ng'ayenda okweyongeraku obukombe, oba n'agha abakombe ebirabo, amala mwene yaayavughala.

Ensambo 28:16

Omufuzi aziramu kategeera anhigiriza b'afuga n'obukambwe, aye ole akyagha amagoba agava mu kukupankupania aghangaala.

Ensambo 28:3

Omufuzi omubi, atuntuza abaavu, ali ng'oti n'amaadhi ag'omugozi agazikiriza emere yoonayoona.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Isaia 33:15

Ole akola ebituufu era n'ayogera eby'amazima, atakozesa buyinza bwe kunhigiriza baavu olw'okwenda okubafunamu, atayenderaku irala kulya nguzi, ateeyimba na bantu abatemula banaibwe, era atayendera irala kubona muntu akola kibi,

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Abalevi 19:13

“Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Abalevi 25:15

Omughendo gunaagerekebwanga, nga gujiira ku myaka eitaka gye linaamalanga nga liri kubalaku ebibala, memale omwaka ogw'okuliiriza oyo ali kulitunda gutuuke.

Abalevi 25:17

Mutaseeragananga, aye mutyenga Musengwa Katonda waimwe.

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.

Luka 3:14

Abaisirukale boona baamubuuza bati: “Ate ife twena tukole ki?” Yaabairamu ati: “Mutanhaganga muntu yeenayeena waire okumughaamirizanga, mube bamativu n'ekyo ekibasasulwa.”

1 Ab'e Korintho 6:8

Aye imwe beene musobya, era mwatwala ebitali byaimwe ni bwekuba ku boluganda beene.

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.