Abalevi 24:9 - Baibuli Ekibono kya Katonda 2014

⁹ Emigaati egyo ginaabanga gya Aaroni ni batabane be, era bagiriiranga mu kifo ekitukuvu, kuba ekyo n'ekitundu ekitukuvu einho eky'eby'okulya ebigheebwayo eri Musengwa Katonda.”

Abalevi 24:9 ပူးပေါင်းရင်းမြစ်များ

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Abalevi 10:12

Agho Musa yaakoba Aaroni ni batabane be abaasigalagho nga balamu, Eleazari ni Ithamari, ati: “Mutwale ekigheebwayo eky'emere ey'empeke ekisigairegho ku bigheebwayo eri Musengwa Katonda ebyokebwa, mubikolemu emigaati egitazimbulukusiibwa, mugiriire ku mbali kw'alutaari, kuba ekigheebwayo ekyo kitukuvu inho.

Abalevi 10:17

“Ekigheebwayo olw'ebibi lwaki timukiriiriire mu Kifo Ekitukuvu? Ekigheebwayo ekyo Kitukuvu inho, era Musengwa Katonda yakibagha okutoolagho ebibi by'abantu, nga mughaayo omusengo olw'ebibi eby'abantu mu maiso ga Musengwa Katonda.

Abalevi 21:22

Omuntu oyo, aikirizibwa okulya ku bigheereibwayo eri Katonda we, ku by'okulya ebitukuvu einho, ni ku bindi ebitukuvu.

Abalevi 24:10

Agho olwatuuka ghaabaagho omusaadha nga ise Mumisiri, aye nga inhina Muisiraeli eyayetebwanga Shalomithi mughala wa Diburi ow'omu kika eky'Abadaani. Omusaadha yaaba n'enkaayana n'omusaadha Omuisiraeli, yaavuma eriina lya Musengwa Katonda ng'akolima. Baamuleeta eri Musa.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 6:11

Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Abalevi 6:16

Ekyo ekisigalagho bakabona n'abanaakiryanga. Kinaafumbwangamu emigaati egitazimbulukusiibwa, era baagiriira mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Abalevi 6:9

aghe Aaroni ni batabane be amateeka aganaafuganga ebigheebwayo ebyokebwa ati: “Ekigheebwayo ekyokebwa, kinaasigalanga ku nku ku alutaari obwire bwonabwona, era omuliro gunaakuumibwanga nga guli kwaka.

Abalevi 8:3

Memale oyete abantu boonaboona baidhe ku mulyango gw'Eweema ey'Okwagaananirangamu ni Musengwa Katonda.”

Abalevi 8:31

Musa yaakoba Aaroni ni batabane be ati: “Mutwale emamba ku mulyango gw'Eweema ey'Okwagaananirangamu ni Musengwa Katonda, mugifumbe era mugiriire eyo, n'emigaati egiri mu kiibo eky'ebigheebwayo olw'okwawulibwa, nga Musengwa Katonda bweyabalagira okugiryanga.

Malaki 1:12

Aye imwe muunhooma nga mukoba muti alutaari yange yayonooneka, n'emere egiriku ti nongoofu.

Matayo 12:4

Bwe yangira mu ndhu ya Katonda, n'alya emigaati egigheereibwayo eri Katonda, gye yali taikirizibwa kulya, waire be yali nabo okutoolaku bakabona bonka?

Mariko 2:26

bwe yangira mu nhumba ya Katonda, mu byanda bya Abiathari eyali Omukulu wa bakabona n'alya emigaati egigheereibwayo eri Katonda, egyali nga tigiriibwa bantu bandi, okutoolaku bakabona bonka ate era n'aghaaku n'abo be yali nabo?”

Luka 6:4

bwe yangira mu ndhu ya Katonda n'atoola emigaati egigheereibwayo eri Katonda n'alya, n'aghaaku ni be yali nabo egitaikirizibwa kuliibwa bandi, okutoolaku bakabona bonka?”

1 Samueli 21:6

Kale kabona oyo yaagha Daudi emigaati emitukuvu, kuba tighaali migaati gindi okutoolaku egyo egigheereibwayo eri Katonda, gye baatoolanga mu maiso ga Musengwa Katonda, era ku lunaku lwene olwo lwe baagitoolangagho, ni baizaagho egindi egyakafumbibwa.