Abalevi 24:5 - Baibuli Ekibono kya Katonda 2014

⁵ “Mutoolanga kilo ikumi na ibiri edh'obuwunga obuseereibwa obukalamu, mwafumbamu emigaati ikumi n'ebiri.

Abalevi 24:5 ပူးပေါင်းရင်းမြစ်များ

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

1 Ebyomubyanda 23:29

okulabiriranga ebigema ku migaati egigheebwayo eri Musengwa Katonda, obuwunga bwe baakozesanga mu kigheebwayo eky'emere ey'empeke, emigaati emitono egitazimbulukusiibwa, ebigheebwayo ebifumbibwa, n'ebigheebwayo eby'obuwunga obutabwirwamu omuzigo ogw'ebibala by'emiti emyoliva. Era n'okupimanga obungi, n'obuzito, n'obunene obw'ebigheebwayo mu isinzizo.

1 Ebyomubyanda 9:32

Abandi ku baganda baibwe ab'oku nda ya Kohathi, n'abaategekanga emigaati egigheebwayo eri Musengwa Katonda, gye baatanga mu maiso ga Musengwa Katonda buli Sabbato.

2 Ebyomubyanda 13:11

Baniokeza obubbaani obuwunha akawoowo eri Musengwa Katonda, baaghaayo n'emisengo egyokebwa gyonagyona okuwaagho, buli nkyo na buli igulo. Baata emigaati egigheereibwayo eri Katonda ku meeza entukuvu, era buli igulo baalabiriranga ekikondo ky'entaala ekya zaabu, okubona ng'entaala dhaaku dhaaka. Ife tukola ebyo Musengwa Katonda waife bye yalagira. Aye imwe mwamuvaaku.

Nehemia 10:33

Era twidha kughangayo ebintu bino: emigaati egigheebwayo eri Katonda, n'ebigheebwayo eby'emere ey'empeke ebya buli lunaku, n'ebigheebwayo ebyokebwa ebya buli lunaku, n'ebigheebwayo ku buli lwa Sabbato, n'ebigheebwayo ku mbaga ey'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi ebyalagirwa, n'ebintu ebindi ebitukuvu, n'ebigheebwayo ku lw'Abaisiraeli olw'okutoolebwaku ebibi. Twidha kughangayo n'ebintu ebindi byonabyona ebyetaagisa mu isinzizo.

Nehemia 10:34

“Ife Abaisiraeli abandi, ni bakabona, n'Abalevi, twidha kukubanga akalulu buli mwaka okubona abanaaleetanga ekigheebwayo eky'enku mu isinzizo lya Katonda waife, olw'okwokya ebigheebwayo ku alutaari ya Musengwa Katonda waife, nga bwe kyaghandiikibwa mu Mateeka. Ekyo twidha kukikolanga nga tujiira ku nda dha baiseife.

Okuvaayo 25:30

Era oidha kutanga Emigaati egigheereibwayo eri Katonda ku meeza eyo, mu maiso gange buliidho.”

Okuvaayo 39:36

Era baamuleetera emeeza n'ebikozesebwaku, n'emigaati egigheereibwayo ye Katonda.

Okuvaayo 40:23

Yaata emigaati egigheereibwayo ye Katonda ku meeza okwo nga Musengwa Katonda mwene bweyamulagira.

Okuvaayo 40:4

Agho mwidha kuleeta emeeza mugiteegho n'ebikozesebwa byaku, era muleete ekikondo eky'entaala mukyemerezeegho, mukiteeku n'entaala dhaaku.

Okubala 4:7

“Baidha kwandhuluzanga olugoye lwa bbululu ku meeza eteebwaku emigaati egigheereibwayo eri Katonda. Okwo bateeku ebibya n'enkaayi, n'ebintu ebiteebwamu obubbaani, n'ebikopo n'ensugha olw'ebigheebwayo ebifukibwa. Era baidha kutanga ku meeza eyo emigaati egigheereibwayo eri Katonda egya buli lunaku.

Matayo 12:4

Bwe yangira mu ndhu ya Katonda, n'alya emigaati egigheereibwayo eri Katonda, gye yali taikirizibwa kulya, waire be yali nabo okutoolaku bakabona bonka?

Ebikolwa by'Abatume 26:7

era ebika byaife eikumi n'ebibiri kye birindirira nga bisinza Katonda omusana n'obwire. Isebantu kyabazinga, olw'okusuubira okwo, Abayudaaya kye baviire bampaghabira.

Abaheburayi 9:2

Eweema yateebwagho. Mu kifo kyayo ekituukirwaku mwalimu ekikondo ky'eitaala, n'emeeza, n'emigaati egigheereibwayo eri Katonda. Ekiketezo ekyo nga kyetebwa Ekifo Ekitukuvu.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.

1 Samueli 21:6

Kale kabona oyo yaagha Daudi emigaati emitukuvu, kuba tighaali migaati gindi okutoolaku egyo egigheereibwayo eri Katonda, gye baatoolanga mu maiso ga Musengwa Katonda, era ku lunaku lwene olwo lwe baagitoolangagho, ni baizaagho egindi egyakafumbibwa.

1 Samueli 21:7

Ku lunaku olwo, ghaaligho owundi ku bagheereza ba Saulo, ng'ali n'ensonga emusigaiza mu maiso ga Musengwa Katonda. Eriina lye nga ni Doegi, eyava mu Edomu era ng'akulira abaayi ba Saulo.