Abalevi 24:22 - Baibuli Ekibono kya Katonda 2014

²² Eiteeka eryo ligema ku Baisiraeli ni ku basenze abali mu Isiraeli, kuba ninze Musengwa Katonda waimwe.”

Abalevi 24:22 ပူးပေါင်းရင်းမြစ်များ

Okuvaayo 12:49

Amateeka gano gaidha kugemanga ku muntu ow'endha aba ng'abasenzeemu, ni ku Baisiraeli baamu.”

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 19:34

Mubabisenga ng'oti Baisiraeli banaimwe abazaale baamu, era mubagonzenga ng'oti ni bwe mwegonza beene, kuba mwena mwali basenze mu nsi Misiri. Ninze Musengwa Katonda waimwe.

Abalevi 24:23

Agho Musa ng'amaze okukobera ebyo Abaisiraeli, baatwala oyo eyakolima mu kifo aghazira weema dha bantu, baamukuba amabaale yaafa. Mu nsambo eyo Abaisiraeli baakola nga Musengwa Katonda bweyakoba Musa.

Okubala 15:29

Mubanga n'amateeka malala ago agavunaana omuntu akola ekibi nga tagendereire, k'abe omutyamye Omuisiraeli oba abe omusenze abanga ng'abalimu.

Okubala 9:14

“Omuntu ow'endha eyasenga mu imwe bw'anaayendanga okukola Ekibinuko eky'Okwidhukiriraku Okubitizibwa olw'okusinza Musengwa Katonda, aidha kugondera amateeka goonagoona n'ebiragiro ebigema ku kibinuko ekyo. Amateeka geene ago n'agagemanga ku musenze ni ku Muisiraeli mwene.”

Amateeka Agokubiri 1:16

“Era mu kiseera ekyo nga tukaali ku Lusozi Sinai, naasikirira abalamuzi baimwe nti, ‘Muwulirisenga ensonga era musalenga mu butuufu emisango ka gibe ghagati gha ab'eighanga lyaimwe beene na beene, oba ghagati gha ab'eighanga lyaimwe n'abasenze.