Abalevi 23:40 - Baibuli Ekibono kya Katonda 2014

⁴⁰ Ku lunaku olwo olusooka, munaatwalanga ku bibala eby'emiti gyaimwe ebisinga bulungi. Munaatwalanga ensaga edh'emiti eminaazi, n'ensaga edh'emiti egy'amakaba amangi, n'obuti obukulira ku mbali kw'omwiga, memale mwasagamba okumala enaku musanvu, nga musaaka Musengwa Katonda waimwe.

Abalevi 23:40 ပူးပေါင်းရင်းမြစ်များ

Zabbuli 137:2

Endingidi dhaife twalekera okudhikuba, twadhighanika ku bikondo.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 44:4

Balikula bukalamu ng'oti isubi eriri kumpi n'amaadhi, era baagimuka ng'oti n'obuti obukulira ku mbali kw'omwiga.

Isaia 66:10

Imwe mwenamwena abagonza Yerusalemu, musangaalire ghalala naye, era musagambe ku lulwe. Imwe mwenamwena abalira ku lulwe era abamulumirwa, mweyimbe ghalala mu isanhu lye musagambe,

Abalevi 23:39

“Bwe munaamalanga okukungula ebirime byaimwe, munaakuzanga ekibinuko kino, okumala enaku musanvu, nga mutoolera n'olunaku olweikumi n'eitaanu olw'omwezi ogwomusanvu. Ku lunaku olusooka ni ku lusembayo, ghanaabangagho okuwuumulira irala.

Abalevi 23:41

Munaakuzanga ekibinuko kino okumala enaku musanvu buli mwaka. Eiteeka eryo munaalikuumanga ebyanda n'ebyanda.

Matayo 21:8

Abantu kamaala mu ikuukuubira baayala ebivaalo byaibwe mu ngira, n'abandi baatema obusaga ku miti baabwala mu ngira.

Yoanne 12:13

Baagema ensaga edh'emiti eminaazi baaja okumusangaaza, era baaleekaana bati: “Hosanna, wa nkabi oyo aidha mu liina lya Musengwa! Era wa nkabi Kyabazinga wa Isiraeli.”

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 12:7

Eyo, nga muli mu maiso ga Musengwa Katonda waimwe, imwe n'ab'omu maka gaimwe ye mwidha okuliiranga n'okusagambiranga, olw'ebyo byonabyona bye munaabanga nga mukoze nga Musengwa Katonda oyo abaghaire enkabi.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.