Abalevi 23:4 - Baibuli Ekibono kya Katonda 2014

⁴ “Dhino n'enaku edh'okukolerangaku embaga edh'ebibinuko bya Musengwa Katonda, dhe munaalangiriranga mu biseera byadho ebyalagirwa.

Abalevi 23:4 ပူးပေါင်းရင်းမြစ်များ

Nehemia 8:15

Era baazuula nga bali n'okulangirira bamanhise ab'omu bibuga byaibwe byonabyona ni mu Yerusalemu bati: “Muje mu nsozi muleete ensaga edh'emiti emyoliva, egyo gye baasimba obusimbe n'egyo egyamera gyene, n'ensaga edh'emiti eminaazi, n'edh'emiti egindi egy'amakaba amangi, muzimbise entindi, nga bwe kyaghandiikibwa.”

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 23:14

“Buli mwaka mwidha kwidhanga munkolere ebibinuko bya mikuzi esatu olw'okumpa ekitiisa.

Isaia 29:1

Arieli, Arieli, okagwireku! Okagwireku iwe Yerusalemu ekibuga Daudi mwe yasimba weema dhe! Omwaka leka gwire ku gwinaagwo, era n'ogundi gutyo; era leka mukuze ebibinuko nga bwe biiraganwaku,

Ezekieli 44:24

Bwe ghanaabangagho enkaayana mu bantu, bakabona n'abanaalamulanga nga bajiira ku mateeka gange. Baidha kukuumanga embaga edh'ebibinuko byange bye nalagira, n'enaku dhange edha Sabbato entukuvu, nga bajiira ku mateeka gange n'ebiragiro byange.

Abalevi 23:2

akobere Abaisiraeli ati: “Dhino n'enaku edh'okukolerangaku embaga edh'ebibinuko byange nze Musengwa Katonda bye nalagira, dhe munaalangiriranga okwesololezaaku okunsinza.

Abalevi 23:21

Ku lunaku olwo munaalangiriranga, mwesoloza okunsinza. Mutakolanga mulimo waire omulala ku egyo gye mukola buliidho. Eiteeka lino munaalikuumanga ebyanda n'ebyanda, mu nse dhoonadhoona, eyo yoonayoona ye munaabanga.

Abalevi 23:37

“Edho n'enaku edh'okukolerangaku embaga edh'ebibinuko Musengwa Katonda dh'alagiire, dhe munaalangiriranga okwesoloza okusinza n'okughaayo eri Musengwa Katonda ebigheebwayo ebyokebwa, ebigheebwayo eby'emere ey'empeke, emisengo, n'ebigheebwayo eby'okunhwa, buli kirala mu biseera byakyo.

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.