Abalevi 23:39 - Baibuli Ekibono kya Katonda 2014

³⁹ “Bwe munaamalanga okukungula ebirime byaimwe, munaakuzanga ekibinuko kino, okumala enaku musanvu, nga mutoolera n'olunaku olweikumi n'eitaanu olw'omwezi ogwomusanvu. Ku lunaku olusooka ni ku lusembayo, ghanaabangagho okuwuumulira irala.

Abalevi 23:39 ပူးပေါင်းရင်းမြစ်များ

Okuvaayo 23:16

“Ekibinuko eky'Amakungula n'ekyokubiri, ekibaagho nga muli kukungula bye mwasiga mu misiri gyaimwe ebisooka. “Ku nkomerero ey'omwaka munaakolanga ekibinuko ekyokusatu eky'okusololeza ebirime mu byagi, ekyetebwa Ekibinuko eky'Entindi.

Abalevi 23:24

“Kobera Abaisiraeli oti ku lunaku olusooka olw'omwezi ogwomusanvu, ghanaabangagho okuwuumulira irala olw'ekiidhukizo. Kunaalangirirwanga nga bafuuwa endeka, era muneesolozanga okusinza.

Abalevi 23:34

“Kobera Abaisiraeli ati olweikumi n'eitaanu olw'omwezi ogwo ogwomusanvu, ghanaabangagho Ekibinuko eky'Entindi ekikolerwa Musengwa Katonda, okumala enaku musanvu.

Abalevi 23:36

Buli lunaku, mu nnaku edho omusanvu, munaaghangayo ekigheebwayo ekyokebwa. Ku lunaku olwomunaana, muneesolozanga okusinza, era mwaghaayo ekigheebwayo ekyokebwa. Lunaabanga lunaku lukologho lwa kusinza, era mutakolanga mulimo waire omulala ku egyo gye mukola buliidho.

Abalevi 23:38

Ebibinuko ebyo n'ebyeyongeire ku Sabbato dha Musengwa Katonda edhabuliidho. Era ebigheebwayo ebyo n'ebyeyongeire ku byabuliidho, bye mughaayo eri Musengwa Katonda olw'okutuukiriza obweyamo, ni bye mughaayo eby'ekyeyendere.

Abalevi 23:40

Ku lunaku olwo olusooka, munaatwalanga ku bibala eby'emiti gyaimwe ebisinga bulungi. Munaatwalanga ensaga edh'emiti eminaazi, n'ensaga edh'emiti egy'amakaba amangi, n'obuti obukulira ku mbali kw'omwiga, memale mwasagamba okumala enaku musanvu, nga musaaka Musengwa Katonda waimwe.

Amateeka Agokubiri 16:13

Musa yaakoba Abaisiraeli ati: “Bwe munaamalanga okukuba emere yaimwe ey'empeke n'okugikunguuta, ni mumala n'okukunha omwenge gwaimwe ogw'emizabbibu, munaakolanga Ekibinuko eky'Entindi okumala enaku musanvu.