Abalevi 23:32 - Baibuli Ekibono kya Katonda 2014

³² Okuva eigulo ery'olunaku olwomwenda olw'omwezi, okutuuka eigulo ery'olunaku olweikumi, munaakuumanga olunaku luno nga lwa kuwuumulira irala ng'oti Sabbato, era muneebonerezanga.”

Abalevi 23:32 ပူးပေါင်းရင်းမြစ်များ

Nehemia 13:19

Kale naalagira okwigalanga emiryango egingira mu Yerusalemu nga buli kuziba, ng'enkyo n'olunaaba olwa Sabbato, era girobe kwigulwanga okutuusa ng'olwa Sabbato lubise. Naata abandi ku bagheereza bange ku miryango egyo bagikuume, obutaikiriza kwingiza kintu kyonakyona mu Yerusalemu ku Sabbato.

Zabbuli 35:13

Ate nga beene bwe baali abalwaire, nze nanakughala, neerumya nga nsiiba endhala, naasaba nga nkotaimya omutwe,

Zabbuli 51:17

Omusengo gw'osiima, n'omwoyo ogumenheike, Wo Katonda wange, omwoyo ogweneniiza era ogubonereire toligugaya naire.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Abalevi 16:29

“Eiteeka lino munaalikuumanga enaku dhoonadhoona: Ku lunaku olweikumi olw'omwezi ogwomusanvu, Abaisiraeli n'abasenze abaabasengamu, baneebonerezanga era tibaakolenga mulimo waire omulala.

Abalevi 16:31

Olwo lunaabanga lunaku lutukuvu lwa kuwuumulira irala, era muneebonerezanga. Eiteeka eryo linaakuumibwanga enaku dhoonadhoona.

Abalevi 23:27

“Olunaku olweikumi olw'omwezi ogwomusanvu, lunaabanga lwa kutoolebwaku bibi. Ku lunaku olwo, muneebonerezanga, era mwesoloza okusinza, mwaghaayo eri Musengwa Katonda ekigheebwayo ekyokebwa.

Abalevi 23:31

Mutakolanga mulimo waire omulala. Eiteeka eryo linaakuumibwanga ab'olulyo lwaimwe enaku dhoonadhoona, eyo yoonayoona ye banaabanga.

Abalevi 23:33

Musengwa Katonda yaalagira Musa ati:

Matayo 5:4

Ba nkabi abagegenga, kuba balyesiima.

1 Ab'e Korintho 11:31

Aye ife beene nkuli tusooka twebona oba nga tugwaine, Katonda tiyanditusaliire musango.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Abaheburayi 4:3

Ife abaikiriza niife abatuuka aghali okuwuumula, nga bwe yakoba ati: “Nasungughala era neefuugha nti, ‘Tiribaganha kutuuka ghe nali nja kubagheera kuwuumula.’ ” Yakoba kino waire ng'emirimo gye gyali nga gyawa, bwe yamala okutonda ensi.