Abalevi 23:29 - Baibuli Ekibono kya Katonda 2014

²⁹ Kiisi muntu ateebonerezenga ku olwo, anaabanga nga takaabalirwa mu bantu ba Katonda,

Abalevi 23:29 ပူးပေါင်းရင်းမြစ်များ

Amainhama 17:14

Omusaadha yeenayeena atali mukekete, ataakeketebwa luwutu lwa mubiri gwe, aidha kwawulwanga ku bantu be, kuba anaabanga amenhie endagaano yange.”

Ezera 8:21

Agho naalangirira okusiiba nga tuli eyo ku mwiga Ahava. Naakoba twewombeeke mu maiso ga Katonda waife nga tumusaba atukulembere mu lugendo lwaife, era atukuume n'abaana baife ni byonabyona bye twali nabyo.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Ezekieli 7:16

Aye abaliwonagho balirumukira mu nsozi, baaba ng'oti n'amayemba ag'omu biiko agatiire ni galumukayo. Boonaboona baliba mu kulira maziga, nga buli muntu alira olw'ebibi bye.

Abalevi 13:46

Taabenga mulongoofu ekiseera kyonakyona ky'anaamalanga ng'akaali mulwaire. Taabenga ghalala na bantu batali balwaire.

Abalevi 23:27

“Olunaku olweikumi olw'omwezi ogwomusanvu, lunaabanga lwa kutoolebwaku bibi. Ku lunaku olwo, muneebonerezanga, era mwesoloza okusinza, mwaghaayo eri Musengwa Katonda ekigheebwayo ekyokebwa.

Abalevi 23:30

era kiisi anaakolanga omulimo ku olwo, Musengwa Katonda anaamutoolanga mu bantu be yaamuzikiriza.

Abalevi 23:32

Okuva eigulo ery'olunaku olwomwenda olw'omwezi, okutuuka eigulo ery'olunaku olweikumi, munaakuumanga olunaku luno nga lwa kuwuumulira irala ng'oti Sabbato, era muneebonerezanga.”

Abalevi 7:20

Aye omuntu anaagiryangaku nga tiimulongoofu, anaabanga takaabalirwa mu bantu ba Musengwa Katonda.

Abalevi 7:21

Era omuntu bw'anaagemanga ku kintu ekitali kirongoofu ekiva ku muntu oba ku nsolo, oba ekintu ekindi ekyenhinhalwa, memale n'alya ku mamba y'omusengo ogugheebwayo eri Musengwa Katonda olw'okutabagana, omuntu oyo anaabanga takaabalirwa mu bantu ba Musengwa Katonda.”

Okubala 5:2

“Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Ebikolwa by'Abatume 3:23

Era kiisi muntu atawulira mulanzi oyo alitoolebwa mu bantu yazikirizibwa.’