Abalevi 23:22 - Baibuli Ekibono kya Katonda 2014

²² “Bwe munaabanga mukungula ebirime byaimwe, mutamalirangayo irala ebisembayo ku mbibi dh'enimiro dhaimwe. Oba okwirayo einhuma okulonderera ebyo ebiba bisigaireyo. Ebyo byonabyona mubirekerenga abaavu n'abasenze. Ninze Musengwa Katonda waimwe.”

Abalevi 23:22 ပူးပေါင်းရင်းမြစ်များ

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Isaia 58:10

ni mugha abali endhala emere, n'abo abadaazibwadaazibwa ni mubagha bye beetaaga, olwo enzikiiza egemye bedimudimu ebeezungulwire imwe, erifuuka ng'oti n'obutangaavu obw'omu kasana ghagati.

Abalevi 23:23

Musengwa Katonda yaalagira Musa ati:

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Ruthi 2:2

Lulala, Ruthi Omumoabu yakoba Naomi ati: “Njeeku mu misiri eyo nonderonde ku sayiri aja ng'akunkumuka ku bakungula? Nkakasa nga ndidha kwagaanayo ananganha okukola ekyo.” Naomi yaamwiramu ati: “Kola oje mwana wange.”