Abalevi 23:21 - Baibuli Ekibono kya Katonda 2014

²¹ Ku lunaku olwo munaalangiriranga, mwesoloza okunsinza. Mutakolanga mulimo waire omulala ku egyo gye mukola buliidho. Eiteeka lino munaalikuumanga ebyanda n'ebyanda, mu nse dhoonadhoona, eyo yoonayoona ye munaabanga.

Abalevi 23:21 ပူးပေါင်းရင်းမြစ်များ

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Abalevi 23:14

Mutalyanga ku ngaano mpyaka naire, k'ebe nga mbisi, oba nga nkalange, oba ng'ekoleibwamu omugaati, okutuusa nga mumaze okuleeta ekigheebwayo kya Katonda waimwe. Eiteeka lino linaakuumibwanga ab'olulyo lwaimwe boonaboona, enaku dhoonadhoona, buli ye banaabanga.

Abalevi 23:2

akobere Abaisiraeli ati: “Dhino n'enaku edh'okukolerangaku embaga edh'ebibinuko byange nze Musengwa Katonda bye nalagira, dhe munaalangiriranga okwesololezaaku okunsinza.

Abalevi 23:20

Kabona anaaghangayo eri Musengwa Katonda emigaati gire ghalala n'entaama, ng'ekigheebwayo ekiwuubibwa, ekiba ekya bakabona. Ebigheebwayo ebyo bitukuvu.

Abalevi 23:25

Munaaghangayo eri Musengwa Katonda ekigheebwayo ekyokebwa, era timuukolenga waire omulala ku mirimo egyo gye mukola buliidho.”

Abalevi 23:31

Mutakolanga mulimo waire omulala. Eiteeka eryo linaakuumibwanga ab'olulyo lwaimwe enaku dhoonadhoona, eyo yoonayoona ye banaabanga.

Abalevi 23:4

“Dhino n'enaku edh'okukolerangaku embaga edh'ebibinuko bya Musengwa Katonda, dhe munaalangiriranga mu biseera byadho ebyalagirwa.

Abalevi 23:7

Ku lunaku olusooka ku edho omusanvu, muneesolozanga okunsinza. Mutakolanga mulimo waire omulala ku egyo gye mukola buliidho.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Okubala 18:23

Aye Abalevi bonka n'abanaagheerezanga mu Weema eyo, era n'abanaavunaanizibwanga ebisobu ebinaagibangamu. Eiteeka eryo liidha kubangagho mu nse dhoonadhoona edhiriiragho. Abalevi tibaidha kugheebwanga mugabo mu Baisiraeli.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.