Abalevi 23:14 - Baibuli Ekibono kya Katonda 2014

¹⁴ Mutalyanga ku ngaano mpyaka naire, k'ebe nga mbisi, oba nga nkalange, oba ng'ekoleibwamu omugaati, okutuusa nga mumaze okuleeta ekigheebwayo kya Katonda waimwe. Eiteeka lino linaakuumibwanga ab'olulyo lwaimwe boonaboona, enaku dhoonadhoona, buli ye banaabanga.

Abalevi 23:14 ပူးပေါင်းရင်းမြစ်များ

Nehemia 9:14

Wabeegeresa okukuumanga olunaku lwo olwa Sabbato nga lutukuvu, waabagha ebiragiro byo n'amateeka go ng'obita mu mugheereza wo Musa.

Zabbuli 19:8

Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Abalevi 10:11

Era mwegeresenga Abaisiraeli amateeka goonagoona ge mbaghaire nga mbita mu Musa.”

Abalevi 2:14

“Ole ng'aja okughaayo eri Musengwa Katonda ekigheebwayo eky'ebirime ebisooka okukungulwa, aghengayo engaano empyaka ekalangiibwaku.

Abalevi 23:31

Mutakolanga mulimo waire omulala. Eiteeka eryo linaakuumibwanga ab'olulyo lwaimwe enaku dhoonadhoona, eyo yoonayoona ye banaabanga.

Abalevi 23:41

Munaakuzanga ekibinuko kino okumala enaku musanvu buli mwaka. Eiteeka eryo munaalikuumanga ebyanda n'ebyanda.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Amateeka Agokubiri 16:12

Mufengayo inho okutuukiriza amateeka gano, nga timwerabiire bwe mwali abairu mu Misiri.”