Abalevi 23:10 - Baibuli Ekibono kya Katonda 2014

¹⁰ akobere Abaisiraeli ati: “Bwe mulituuka mu nsi Musengwa Katonda y'abagha ni mukungula engaano, ekinhwa ekisooka mukitwalanga wa kabona.

Abalevi 23:10 ပူးပေါင်းရင်းမြစ်များ

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 23:16

“Ekibinuko eky'Amakungula n'ekyokubiri, ekibaagho nga muli kukungula bye mwasiga mu misiri gyaimwe ebisooka. “Ku nkomerero ey'omwaka munaakolanga ekibinuko ekyokusatu eky'okusololeza ebirime mu byagi, ekyetebwa Ekibinuko eky'Entindi.

Okuvaayo 23:19

“Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 34:22

“Buli makungula lwe ganaatuukanga mwidha kukolanga Ekibinuko eky'Amakungula ag'engaano esooka. Era ku nkomerero ey'omwaka mwidha kukolanga ekibinuko eky'Entindi eky'okusololeza ebirime mu byagi.

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Ezekieli 44:30

Ku bintu bye musooka okukungula byonabyona, ni ku bintu bye mughaayo ye ndi, mwidha kutoolangaku ebisinga bulungi bibenga bya bakabona. Era mwidha kubaleeteranga n'engaano ye munaasookanga okukanda, olwo enkabi dhibenga mu maka gaimwe.

Abalevi 14:34

“Bwe muliba nga mutuuse mu nsi Kanaani ye mbagha okuba obutaka bwaimwe, memale ni nta endwaire ey'ebigenge mu ndhu ey'omuntu mu nsi eyo,

Abalevi 23:11

Anaakighangayo ng'akiwuuba mu maiso ga Musengwa Katonda, olwo Musengwa Katonda oyo yaakisiima. Kabona anaakighangayo ku lunaku olwiririra Sabbato.

Abalevi 23:17

Buli maka ganaaleetanga emigaati ebiri eri Musengwa Katonda ng'ekigheebwayo ekiwuubibwa. Buli mugaati gunaakolebwanga mu kilo ibiri edh'obuwunga obuseereibwa obukalamu, nga butabwirwamu ekizimbulukusa. Emigaati egyo munaagighangayo eri Musengwa Katonda ng'ekigheebwayo eky'ebirime ebisooka okukungula.

Abalevi 23:9

Musengwa Katonda yaayongera okulagira Musa

Okubala 15:2

amateeka gano ge munaajiirangaku mu nsi ye muja okutyamamu, ye ndidha okubagha:

Okubala 28:26

“Ku lunaku olw'ebirime ebisooka okukungulwa, lwe mugheeraku ekigheebwayo eky'emere ey'empeke ku Kibinuko kyaimwe eky'Amakungula, mwidha kwesolozanga okunsinza. Mutalukolerangaku mulimo gwonagwona.

Ab'e Roma 11:16

Omugaati gwonagwona guba mutukuvu kasita akatundu kaagwo kagheebwayo ng'ekibala ekisooka. Era emizi egy'omuti bwe giba emitukuvu, n'ensaga dhoona dhiba ntukuvu.

Amateeka Agokubiri 16:9

Musa yaakoba Abaisiraeli ati: “Mwidha kubalanga wiiki musanvu okuva lwe munaatooleranga okukungula engaano mu nimiro,

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.

Ruthi 1:22

Atyo Naomi bwe yaira ng'ava e Moabu yaira ni Ruthi Omumoabu, namwandu wa mutabane eyafiira e Moabu. Baatuuka e Bethelehemu ng'abantu baakatoolera okukungula sayiri.