Abalevi 22:4 - Baibuli Ekibono kya Katonda 2014

⁴ “Ghatabangagho muntu yeenayeena ow'oku lulyo lwa Aaroni alwaire endwaire ey'ebigenge, oba atoonha okuva mu bitundu bye eby'ekyama olw'obulwaire, anaalyanga ku bintu ebitukuvu, okutuusa lw'anaamalanga okuba omulongoofu. Era kabona anaafuukanga atali mulongoofu bw'anaagemanga ku kintu ekifuuse ekitali kirongoofu, olw'okwekonta ku kintu ekifiire, oba olwa mwene okuvaamu amaadhi ag'obusaadha,

Abalevi 22:4 ပူးပေါင်းရင်းမြစ်များ

Abalevi 11:39

“Ensolo eikirizibwa okuliibwa bw'efa, kiisi muntu anaagigemangaku, taabenga mulongoofu okutuusa eigulo.

Abalevi 15:17

Buli kintu kya lugoye oba kya luwu, amaadhi ag'obusaadha ago kwe ganaatoonhanga kinaabanga n'okwozebwa, aye era kyasigala nga tiikirongoofu okutuusa eigulo.

Abalevi 2:10

Ekyo ekisigalagho ku kigheebwayo eky'emere ey'empeke ekyo, kiba kya bakabona kitukuvu inho, kuba kitoolebwa ku ekyo ekigheebwayo ye Musengwa Katonda, nga kyokeibwa n'omuliro.

Abalevi 2:3

Ekyo ekisigalagho ku kigheebwayo ekyo eky'emere ey'empeke, kiba kya bakabona kitukuvu inho, kuba kitoolebwa ku ekyo ekigheereibwayo ye Musengwa Katonda, nga kyokebwa n'omuliro.

Abalevi 21:1

Musengwa yaalagira Musa ati: “Kobera bakabona batabane ba Aaroni oti ghatabangagho waire omulala ati ku beene aneereeteranga okuba atali mulongoofu nga yeeyimba mu mikolo egibaagho mu kufiirwa ab'enganda dhe,

Abalevi 21:22

Omuntu oyo, aikirizibwa okulya ku bigheereibwayo eri Katonda we, ku by'okulya ebitukuvu einho, ni ku bindi ebitukuvu.

Haggai 2:13

Kabiri Haggai yaababuuza ati: “Ole asobola okufuuka atali mulongoofu olw'okugema oba okusiinha ku mulambo, ate yaamala yaagema ku by'okulya ebyo. Mpegaano eky'okulya ky'agemyeku, kyona kifuuka ekitali kirongoofu nga mwene?” Bakabona bairamu bati: “Yii, kifuuka ekitali kirongoofu.”

Okubala 18:19

Nkughaire iwe, ni batabane bo, ni baghala bo, ebigheebwayo ebitukuvu byonabyona Abaisiraeli bye banandeeteranga nze Musengwa Katonda, bibe omugabo gwaimwe gwe munaafunanga ebyanda n'ebyanda. Eyo n'endagaano ye nkoze n'iwe era n'eizaire lyo, etaja kumenhebwagho ebyanda n'ebyanda.”

Okubala 18:9

Bino n'ebinaabanga ebyaimwe ku bintu ebitukuvu einho byonabyona ebigheebwayo eri nze Musengwa Katonda, ebirekebwagho nga tibyokeibwa: buli ekigheebwayo eky'emere ey'empeke, buli ekigheebwayo olw'ebibi, na buli ekigheebwayo ng'omutango. Byonabyona ebitukuvu einho ebigheebwayo eri nze Musengwa Katonda, biidha kubanga bibyo ni batabane bo.

Okubala 19:20

“Aye omuntu atali mulongoofu bw'anaalobanga okutukuzibwa, anaabanga nga takaabalirwa mu bantu ba Musengwa Katonda, kuba anaabanga ng'ayonoine ekifo kya Musengwa Katonda ekitukuvu. Era aidha kusigalanga nga tiimulongoofu, kuba amaadhi agakozesebwa okutoolagho ebibi ganaabanga nga tigamumansiirwaku.