Abalevi 22:20 - Baibuli Ekibono kya Katonda 2014

²⁰ Mutaghangayo kintu kyonakyona ekiriku ekikyamu, kuba Musengwa Katonda taja kukisiima.

Abalevi 22:20 ပူးပေါင်းရင်းမြစ်များ

Ezekieli 45:18

Agho Musengwa Katonda yaakoba ati: “Ku lunaku olusooka, mu mwezi ogusooka, mwidha kutoolanga ente enume entototo era eziraku kikyamu kyonakyona, mugigheeyo olw'okutukuza eisinzizo.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 22:24

Mutaghangayo eri Musengwa Katonda ensolo ng'obusaadha bwayo bwanhigibwa, oba bwanuubulwa, oba bwayuzika, oba bwasalibwaku. Ekyo mutakikolanga mu nsi yaimwe.

Abalevi 22:25

“Ensolo dhe mutoire mu basenze, mutadhighangayo eri Katonda waimwe ng'ekigheebwayo eky'eby'okulya. Edho dhibalibwa ng'edhiriku ekikyamu era Musengwa Katonda taja kudhisiima.”

Abalevi 3:1

“Omuntu bw'anaaghangayo ekigheebwayo olw'okutabagana, aidha kughangayo ente enkazi oba enume ng'eziraku kikyamu kyonakyona.

Abalevi 3:6

“Omuntu bw'anaaghangayo entaama oba embuzi ng'ekigheebwayo olw'okutabagana, aghengayo enkazi oba enume ng'eziraku kikyamu kyonakyona.

Malaki 1:8

Mulowooza muti bwe mutoola ensolo entulu, oba enema, oba endwaire, ni mudhighaayo ng'emisengo, ekyo tikiba kibi? Kale lwaki ensolo ng'oti n'edho timudhitoneraku bafuzi baimwe? Obwo bwenebwene abafuzi abo banaabasangaalira era baabasiima?”

Okubala 19:2

“Kino n'ekiragiro ekiri mu mateeka nze Musengwa ge nataagho: Mukobe Abaisiraeli babaleetere ente eya langi ya kasaayisaayi eziraku kikyamu kyonakyona, era etakozesebwangaku mulimo gwonagwona.

Okubala 29:8

Ku lunaku olwo mwidha kughangayo ekigheebwayo ekyokebwa ekiri n'akawoowo akansangaaza nze Musengwa Katonda, nga kirimu bino: ente ento enume ndala, entaama enume enkulu ndala, n'entaama ento enume musanvu edh'omwaka omulala omulala, nga dhiziraku kikyamu kyonakyona.

Amateeka Agokubiri 15:21

Aye ensolo edho bwe dhinaabangaku ekikyamu, nga nema, oba nga ntulu, oba nga dhiriku ekikyamu ekindi kyonakyona, timuudhighengayo eri Musengwa Katonda waimwe.

Amateeka Agokubiri 17:1

“Mutaghangayo musengo ye Musengwa Katonda waimwe, ogw'ente oba entaama eriku ekikyamu, oba eriku akantu koonakoona akatali kalungi; kuba ekyo kiba kyenhinhalwa ye Musengwa Katonda.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.