Abalevi 22:19 - Baibuli Ekibono kya Katonda 2014

¹⁹ kinaateekwanga okuba nga kya nte nume, oba mbuzi nume, oba ntaama nume, ng'eziraku kikyamu kyonakyona, memale Musengwa Katonda yaaganha okukisiima.

Abalevi 22:19 ပူးပေါင်းရင်းမြစ်များ

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 1:2

“Kobera Abaisiraeli oti bweghabangagho omuntu yeenayeena mu imwe aghaayo omusengo eri Musengwa Katonda, aidha kugughangayo ng'atoola mu byayo bye.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 21:18

Buli aliku kikyamu kyonakyona, taaseetenga kugheereza: omutulu, oba aghenhera, oba eyayonooneka mu maiso, oba omulema ow'omukono oba omugulu,

Abalevi 4:32

Omuntu bw'anaaleetanga entaama nga n'ekigheebwayo kye olw'ebibi, eidha kubanga nkazi ng'eziraku kikyamu kyonakyona.

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

Matayo 27:54

Agho omukulu w'ekikunsu eky'abaisirukale n'abo abaali naye nga bakuuma Yesu bwe baabona musisi n'ebintu engeri ye byabaamu, baatya ekibitiriire, baakoba bati: “Bwenebwene, ono abaire Mwana wa Katonda!”

Luka 23:14

Yaabakoba ati: “Mundeeteire omuntu ono nga mukoba muti akiidhamya abantu era bwe mmuwozeisa mu maiso gaimwe, mwena muboine nga ghazira musango gumusinze mu egyo gye mumughaghabiire.

Luka 23:41

Ife tuli kusasulwa olw'ebyo bye twakola, aye mwene azira kibi kye yaali akoze.”

Luka 23:47

Omukulu ow'ekikunsu eky'abaisirukale bwe yabona ebibairegho, yaasaaka Katonda era yaakoba ati: “Bwenebwene omuntu ono tabaire na musango!”

Yoanne 19:4

Kabiri Pilato yaafuluma ku luya yaabakoba ati: “Wuuno mmubaleeteire ku luya, mubonere irala nga nze tibona musango gw'aiziiza.”

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'Efeso 5:27

olwo yeefunira Ekikunsu ky'Abaikiriza mu Kurisito eky'ekitiisa ekiri ng'omuntu aziraku kamyamya na nkokyo waire ekintu ekindi ekiri ng'oti n'ebyo, aye ekitukuvu era ekiziraku kikibulaku.

Amateeka Agokubiri 15:21

Aye ensolo edho bwe dhinaabangaku ekikyamu, nga nema, oba nga ntulu, oba nga dhiriku ekikyamu ekindi kyonakyona, timuudhighengayo eri Musengwa Katonda waimwe.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.