Abalevi 22:18 - Baibuli Ekibono kya Katonda 2014

¹⁸ “Koba Aaroni, ni batabane be, n'Abaisiraeli boonaboona oti, Omuisiraeli oba omusenze ali mu Isiraeli, bw'anaaleetanga eri Musengwa Katonda ekigheebwayo kye ekyokebwa kye yeeyama, oba ekyo ky'aghaayo nga kya kyeyendere,

Abalevi 22:18 ပူးပေါင်းရင်းမြစ်များ

2 Ebyomubyanda 31:14

Ate Kore mutabane wa Imuna, omukuumi w'omulyango ogw'e buvandhuba, n'eyalabiriranga ebyo abantu bye baaghaayo ye Musengwa Katonda ekyeyendere nga n'agabaniamu ebigheereibwayo okuba ebitukuvu einho ebya Musengwa Katonda oyo.

Zabbuli 116:14

Era ndidha kutuukiriza ebyo bye neeyama eri Musengwa Katonda, nga ndi mu bantu be abeesoloiza okumusinza.

Zabbuli 116:18

Era ndidha kutuukiriza ebyo bye neeyama y'oli, nga ndi mu bantu bo abeesoloiza okukusinza

Zabbuli 22:25

Nga ndi mu bantu kamaala abeesoloiza, ndikusaaka olw'ebyo by'okola. Ndighaayo kye neeyama, nga ndi mu maiso g'abo abakutya.

Zabbuli 56:12

Wo Katonda wange, nteekwa okutuukiriza obweyamo bwange; ndidha kughaayo omusengo olw'okukusiima,

Zabbuli 61:5

Iwe Katonda wange ompuliire nga neeyama, era ompaire omugabo ku ebyo by'oterekera abakutya.

Zabbuli 61:8

Nze ndidha kwembanga enhembo edhisaaka eriina lyo, nga bwempaayo kye neeyama buli kaakyeire.

Zabbuli 65:1

Wo Katonda waife, tusaine tukusaakenga mu Sioni, era kiisi yeeyama y'oli asaine atuukirizenga kye yeeyama

Zabbuli 66:13

Ndidha kuleetanga mu ndhu yo ebigheebwayo ebyokebwa, ntuukirizenga bye neeyama,

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Omulangirizi 5:4

Bw'obanga weeyamye ekintu eri Katonda, otalwangagho kukituukiriza, kuba Katonda tasanhukira basiru. Tuukirizanga kye weeyamye okukola.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 1:2

“Kobera Abaisiraeli oti bweghabangagho omuntu yeenayeena mu imwe aghaayo omusengo eri Musengwa Katonda, aidha kugughangayo ng'atoola mu byayo bye.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 17:13

“Omuisiraeli oba omusenze yeenayeena eyasenga mu Isiraeli, bw'anaayiiganga ensolo oba enhonhi eikirizibwa okuliibwa, anaafukanga omusaayi gwayo yaagughembaku eitaka.

Abalevi 22:17

Musengwa Katonda yaalagira Musa ati:

Abalevi 23:38

Ebibinuko ebyo n'ebyeyongeire ku Sabbato dha Musengwa Katonda edhabuliidho. Era ebigheebwayo ebyo n'ebyeyongeire ku byabuliidho, bye mughaayo eri Musengwa Katonda olw'okutuukiriza obweyamo, ni bye mughaayo eby'ekyeyendere.

Abalevi 7:16

“Aye ekigheebwayo omuntu ky'aghaayo bwe kinaabanga olw'okutuukiriza obweyamo, oba eky'ekyeyendere, emamba yaakyo enaaliibwanga ku olwo lwe kigheereibwayo ng'omusengo, era esigalagho enaaliibwanga enkyo.

Amosi 4:5

Era mugheeyo emigaati egizimbulukusiibwa ng'omusengo ogw'okwebaza Katonda. Era mulangirire ebigheebwayo byaimwe eby'ekyeyendere okumanhisa buli muntu kuba ekyo mukyenda inho!

Yona 1:16

Abasaadha baatya Musengwa Katonda ekibitiriire. Baamugha omusengo era beeyama.

Yona 2:9

Aye nze ndidha kukwembera enhembo edhikusaaka, nkugheereze omusengo era ntuukirize ebyo bye neeyama. Ghazira wundi alokola okutoolaku Musengwa Katonda.”

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Okubala 15:3

Bwe munaayendanga okugha nze Musengwa Katonda ekigheebwayo okuva mu nte dhaimwe, oba mu ntaama dhaimwe, oba mu mbuzi dhaimwe, ng'ekigheebwayo ekyokebwa, oba ng'omusengo ogugheebwayo olw'okutuukiriza obweyamo, oba ng'ekigheebwayo eky'ekyeyendere, oba nga muli ku mbaga edh'ebibinuko ebyalagirwa, akawoowo ak'ebigheebwayo ebyo kaidha kunsangaazanga nze Musengwa Katonda.

Ebikolwa by'Abatume 18:18

Paulo yaabaayooku enaku edhindi kamaala mu Korintho, memale yaasiibula aboluganda. Yaaseeyeeya ni Purisikilla ni Akwila baaja e Siria. Ng'ali mu Kenkerea yaamwaku enviiri dhe nga bwe yali yeeyamye.

Amateeka Agokubiri 12:17

Kiisi kye mughaayo ye Musengwa Katonda, mutakiriiranga eyo ye muba: ka kibe ekitundu ekirala ekirala ku buli bitundu ikumi eby'engaano yaimwe, oba eby'omwenge gwaimwe ogw'emizabbibu, oba eby'omuzigo ogw'ebibala eby'emiti emyoliva oba ka dhibe ensolo dhaimwe, ng'ente, entaama, oba embuzi, edhizaalibwa mu luzaalo olusooka oba ekigheebwayo kyaimwe eky'okutuukiriza obweyamo bwaimwe ye Musengwa Katonda, oba ekigheebwayo kyaimwe eky'ekyeyendere, oba ebigheebwayo byaimwe ebindi bye mughaayo.

Amateeka Agokubiri 12:6

Eyo ye munaatwalanga ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebigheebwayo olw'okutuukiriza obweyamo, n'ebigheebwayo eby'ekyeyendere, n'ensolo dhaimwe edhizaalibwa mu luzaalo olusooka dhe mughaayo.

Amateeka Agokubiri 16:10

memale olwo mukolenga Ekibinuko eky'Amakungula, eky'okuta mu Musengwa Katonda waimwe ekitiisa. Mwidha kumuleeteranga ekigheebwayo eky'ekyeyendere, nga mujiira ku bungi bw'ebintu by'anaabaghanga.