Abalevi 22:16 - Baibuli Ekibono kya Katonda 2014

¹⁶ nga baganha abantu abatali bakabona okubiryaku, olwo baaleetera abantu abo okubaaku omusango era n'okubonerezebwa. Ninze Musengwa Katonda abifuula ebitukuvu.”

Abalevi 22:16 ပူးပေါင်းရင်းမြစ်များ

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Okuvaayo 28:38

Era kaidha kubanga mu bweni bwa Aaroni okwoleka nti aikiriiza okwetwika ensobi dhoonadhoona edhisobola okukolebwa mu kughaayo ebigheebwayo ebitukuvu, Abaisiraeli bye bampa nze Musengwa Katonda, olwo mbe nga mbiikiriza.

Abalevi 10:17

“Ekigheebwayo olw'ebibi lwaki timukiriiriire mu Kifo Ekitukuvu? Ekigheebwayo ekyo Kitukuvu inho, era Musengwa Katonda yakibagha okutoolagho ebibi by'abantu, nga mughaayo omusengo olw'ebibi eby'abantu mu maiso ga Musengwa Katonda.

Abalevi 20:8

Mugemenga amateeka gange era mugajiirengaku, kuba ninze Musengwa abafuula abatukuvu.

Abalevi 21:15

alobe kuleetera baana be kuba batali balongoofu kuba ninze Musengwa Katonda amufuula omutukuvu.”

Abalevi 21:23

Aye olw'okuba ng'aliku ekikyamu, taingirenga ghali lutimbe lutukuvu era taaseetenga ghali alutaari alobe kwonoona ebitukuvu ebyo, kuba ninze Musengwa Katonda abifuula ebitukuvu.”

Abalevi 21:8

Kale munaamwawulanga yaaba wa Katonda, kuba agheereza eri Katonda waimwe ekigheebwayo eky'eby'okulya. Munaamubalanga nga mutukuvu, kuba nze Musengwa Katonda atukuza imwe, ndi mutukuvu.

Abalevi 22:17

Musengwa Katonda yaalagira Musa ati:

Abalevi 22:9

“Bakabona boonaboona banaatuukirizanga bye mbalagira, balobenga kwonoona ni bafa olw'okubinhooma. Ninze Musengwa Katonda abafuula abatukuvu.

Abalevi 7:18

Emamba eyo bw'enaaliibwangaku ku lunaku olwokusatu, Musengwa Katonda taasiimenga kigheebwayo ekyo, era n'oyo akighaireyo taasiimibwenga. Emamba eyo enaatwalibwanga okuba ekyenhinhalwa, era kiisi anaagiryangaku, anaabonerezebwanga.

Okubala 18:1

Agho Musengwa Katonda yaakoba Aaroni ati: “Iwe ni batabane bo n'ab'omu kika kyo boonaboona, niimwe mwidha okuvunaanibwanga byonabyona ebinaabanga nga bisobye mu Kifo Ekitukuvu. Aye ebinaabanga nga bisobye mu bwakabona, biidha kuvunaanibwanga iwe ni batabane bo mwenka.

Okubala 18:32

Era timuubenga na kibi kye mukoze olw'okubirya, kasita munaabanga nga mughaireyo ebisinga bulungi. Aye mwegenderezenga mulobe kwonoona ebintu ebitukuvu Abaisiraeli bye baleeta, memale olwo mulobe kufa.’ ”

Matayo 23:17

Muli basiru ate abatulu einho. Kiki ekisinga, zaabu oba eisinzizo eritukuza zaabu?

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.