Abalevi 22:13 - Baibuli Ekibono kya Katonda 2014

¹³ Aye mughala wa kabona bw'aba namwandu oba ng'agobeibwa iba ng'aziraku mwana, era ng'aize mu ndhu ya ise okutyama, anaalyanga ku mere ya ise. Aye atali wa ku lulyo lwa kabona, atalyanga.

Abalevi 22:13 ပူးပေါင်းရင်းမြစ်များ

Amainhama 38:11

Yuda yaakoba Tamari mukaamwana ati: “Irayo mu ndhu ya lata wo, osigale ng'oli namwandu okutuusa mutabane wange Shela lw'alimala okukula.” Yayogera atyo, kuba yatya ati n'oyo yeena aidha kufa ng'oti ni baganda be bwe baafa. Agho Tamari yairayo, yaaba mu ndhu ya ise.

Ezera 2:63

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona asobola okwebuuza ku Musengwa Katonda ng'akozesa Urimu ni Thummimu.

Okuvaayo 12:43

Musengwa Katonda yaakoba Musa ni Aaroni ati: “Gano n'amateeka ge munaajiirangaku nga mulya Ekibinuko eky'Okwidhukiriraku Okubitizibwa: Omuntu ow'endha atali Muisiraeli atakiryangaku.

Okuvaayo 29:33

Baidha kulyanga ebintu ebyo ebinaaba bigheereibwayo ng'omusengo olw'ebibi byaibwe ku mukolo ogw'okubaawula. Era atali kabona atabiryangaku, kuba bitukuvu.

Ezekieli 44:8

Baaloba okukuuma ebintu byange ebitukuvu beene, aye baabitaaku bwa bantu bagwira babibakuumire.

Abalevi 10:14

Aye ekifuba ekigheebwayo nga kiwuubibwa, n'ekisambi ekigheebwayo obugheebwe, iwe ni batabane bo ni baghala bo, munaabanga ba idembe okubiriira mu kifo kyonakyona ekirongoofu, kuba ebyo bikugheebwa iwe n'abaana bo, nga n'omugabo gwaimwe bakabona, ku misengo egigheebwayo Abaisiraeli olw'okutabagana.

Abalevi 22:10

“Atali wa ku lulyo lwa bakabona atalyanga ku bigheebwayo ebitukuvu, waire omugeni akyaliire kabona, oba omukozi we y'asasula empeera.

Abalevi 22:12

Mughala wa kabona bw'anaabayiranga omusaadha atali kabona, atalyanga ku bigheebwayo ebyo ebitukuvu.

Amateeka Agokubiri 24:2

Ate kisoboka okuba nti omukazi oyo ng'aviire mu maka ago, aja yaabayira omusaadha owundi.

1 Samueli 21:7

Ku lunaku olwo, ghaaligho owundi ku bagheereza ba Saulo, ng'ali n'ensonga emusigaiza mu maiso ga Musengwa Katonda. Eriina lye nga ni Doegi, eyava mu Edomu era ng'akulira abaayi ba Saulo.