Abalevi 22:11 - Baibuli Ekibono kya Katonda 2014

¹¹ Aye abairu, abo kabona be yagula n'empiiya dhe, n'abo abaazaalirwa mu maka ge, banaikirizibwanga okulya ku mere ya kabona.

Abalevi 22:11 ပူးပေါင်းရင်းမြစ်များ

Amainhama 12:5

Yatwala mukazi we Sarai, ni Loti omwana wa muganda we, n'ebintu byaibwe byonabyona bye baali nga bagheziiza, era n'abantu be baali bafuniire e Harani. Kale baatoolera olugendo oluja mu nsi ey'e Kanaani. Bwe baatuuka mu Kanaani,

Amainhama 17:13

Oyo anaazaalirwanga mu ndhu dhaimwe era n'oyo ye munaagulanga obugule, boonaboona bateekwa okukeketebwa. Ako kabe akamanhiso ak'oku mubiri akooleka ng'endagaano yange n'imwe bw'etaliwaagho.

Okuvaayo 12:44

Aye omwiru ye mwagula n'empiiya aghanga okukiryaku, bwe muba nga mwamala okumukeketa.

Abalevi 21:22

Omuntu oyo, aikirizibwa okulya ku bigheereibwayo eri Katonda we, ku by'okulya ebitukuvu einho, ni ku bindi ebitukuvu.

Abalevi 22:12

Mughala wa kabona bw'anaabayiranga omusaadha atali kabona, atalyanga ku bigheebwayo ebyo ebitukuvu.

Okubala 18:9

Bino n'ebinaabanga ebyaimwe ku bintu ebitukuvu einho byonabyona ebigheebwayo eri nze Musengwa Katonda, ebirekebwagho nga tibyokeibwa: buli ekigheebwayo eky'emere ey'empeke, buli ekigheebwayo olw'ebibi, na buli ekigheebwayo ng'omutango. Byonabyona ebitukuvu einho ebigheebwayo eri nze Musengwa Katonda, biidha kubanga bibyo ni batabane bo.