Abalevi 21:8 - Baibuli Ekibono kya Katonda 2014

⁸ Kale munaamwawulanga yaaba wa Katonda, kuba agheereza eri Katonda waimwe ekigheebwayo eky'eby'okulya. Munaamubalanga nga mutukuvu, kuba nze Musengwa Katonda atukuza imwe, ndi mutukuvu.

Abalevi 21:8 ပူးပေါင်းရင်းမြစ်များ

Nehemia 13:29

Agho naasaba nti: “Wo Katonda wange, oteerabiranga ngeri ye boonoinemu obwakabona, ni basuula n'ere endagaano ye baakola ey'obwakabona n'Obulevi.”

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 19:14

Kale Musa yaika okuva ku lusozi, yaaja y'abantu yaabatukuza, era baayoza ebivaalo byaibwe.

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 29:1

“Buti kino ky'oja okubakolaku mu kubaawula, olwo bampeereze nga bakabona. Funayo ente enume ento n'entaama enume ibiri, nga dhiziraku kikyamu kyonakyona

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Abalevi 21:6

Babenga batukuvu eri Nze Katonda waibwe, era balobenga kwonoona liina lyange, kuba bagheereza eri Nze Musengwa Katonda waibwe ebigheebwayo eby'okulya ebyokebwa. Kyebanaavanga ni baba abatukuvu.

Abalevi 22:16

nga baganha abantu abatali bakabona okubiryaku, olwo baaleetera abantu abo okubaaku omusango era n'okubonerezebwa. Ninze Musengwa Katonda abifuula ebitukuvu.”

Abalevi 3:11

Kabona anaabyokeranga byonabyona ku alutaari ng'ekigheebwayo eky'eby'okulya ekigheebwayo eri Musengwa Katonda ekyokebwa.

Malaki 1:7

Muti bwe muunhooma: Mughaayo emere eyonooneike ku alutaari yange. Ate mwamala mwambuuza muti, ‘Alutaari yo tugyonoine tutya?’ Aye nga muba muginhoomye olw'okukola ekyo.

Okubala 28:2

“Lagira Abaisiraeli oti, bali n'okughangayo ebigheebwayo eby'emere ebyokebwa, ebiri n'akawoowo akansangaaza. Bakobe batengayo inho omwoyo okubighaayo ku nnaku dhaabyo edhaalagirwa.

Yoanne 10:36

memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?

Yoanne 17:19

Nze neeghaayo ku lwaibwe, memale boona beegheeyo mu mazima.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.