Abalevi 21:6 - Baibuli Ekibono kya Katonda 2014

⁶ Babenga batukuvu eri Nze Katonda waibwe, era balobenga kwonoona liina lyange, kuba bagheereza eri Nze Musengwa Katonda waibwe ebigheebwayo eby'okulya ebyokebwa. Kyebanaavanga ni baba abatukuvu.

Abalevi 21:6 ပူးပေါင်းရင်းမြစ်များ

Ezera 8:28

Naabakoba nti: “Muli batukuvu eri Musengwa Katonda, n'ebikozesebwa bino byona bitukuvu. Era feeza ni zaabu ebyo, bigheereibwayo kyeyendere eri Musengwa Katonda wa badhaadha baife.

Okuvaayo 19:22

Bakabona abaseeta ghe ndi bateekwa okwetukuza, bwebataakikolenga ndidha kubabonerezanga.”

Okuvaayo 28:36

Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Okuvaayo 29:44

Ndidha kutukuza alutaari n'Eweema ey'Okwagaananirangamu, era ntukuze ni Aaroni ni batabane be, bampeerezenga nga bakabona.

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Ezekieli 44:7

Boonoona eisinzizo lyange eitukuvu nga baganha abagwira abatali bakekete okulingiramu. Abantu abo abatajiira ku mateeka gange naire, baja baingira mu isinzizo nga n'abantu bange bali kughaayo ye ndi amasavu n'omusaayi, ebiva mu misengo gye bampeereza. Olwo abantu bange abo baamenha endagaano yange olw'ebyenhinhalwa ebyo byonabyona abantu abo bye bakola.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 18:21

Otaghangayo waire omulala ku baana bo, okukozesebwa mu kusinza omusambwa Moleki, n'ovumagania eriina lya Katonda wo. Ninze Musengwa Katonda.

Abalevi 19:12

Mutalayiriranga bwereere liina lyange eitukuvu ni mulyonoona. Ninze Musengwa Katonda waimwe.

Abalevi 20:3

Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Abalevi 21:17

akobere Aaroni ati: “Buli wa ku lulyo lwo mu nse dhoonadhoona, anaabangaku ekikyamu taaseetenga kugheereza Katonda we ekigheebwayo eky'eby'okulya.

Abalevi 21:21

Ghatabangagho muntu yeenayeena ow'oku lulyo lwa Aaroni kabona, aliku ekikyamu kyonakyona, anaaseetanga okughaayo ekigheebwayo ekya Musengwa Katonda eky'eby'okulya ekyokebwa.

Abalevi 21:23

Aye olw'okuba ng'aliku ekikyamu, taingirenga ghali lutimbe lutukuvu era taaseetenga ghali alutaari alobe kwonoona ebitukuvu ebyo, kuba ninze Musengwa Katonda abifuula ebitukuvu.”

Abalevi 21:8

Kale munaamwawulanga yaaba wa Katonda, kuba agheereza eri Katonda waimwe ekigheebwayo eky'eby'okulya. Munaamubalanga nga mutukuvu, kuba nze Musengwa Katonda atukuza imwe, ndi mutukuvu.

Abalevi 3:11

Kabona anaabyokeranga byonabyona ku alutaari ng'ekigheebwayo eky'eby'okulya ekigheebwayo eri Musengwa Katonda ekyokebwa.

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 28:2

“Lagira Abaisiraeli oti, bali n'okughangayo ebigheebwayo eby'emere ebyokebwa, ebiri n'akawoowo akansangaaza. Bakobe batengayo inho omwoyo okubighaayo ku nnaku dhaabyo edhaalagirwa.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.