Abalevi 20:8 - Baibuli Ekibono kya Katonda 2014

⁸ Mugemenga amateeka gange era mugajiirengaku, kuba ninze Musengwa abafuula abatukuvu.

Abalevi 20:8 ပူးပေါင်းရင်းမြစ်များ

Okuvaayo 31:13

“Koba abantu Abaisiraeli oti mukuzenga olunaku lwange olwa Sabbato, kuba n'akamanhiso ghagati ghange n'imwe, n'abaana baimwe, n'abaidhukulu ense n'ense olwo mughange okumanha nga nze Musengwa Katonda ninze mbatukuza.

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Ezekieli 37:28

Bwe ndibataamu eisinzizo lyange ni libabaamu ebyanda n'ebyanda, olwo amaghanga galimanha nga nze Musengwa Katonda mwene, ninze nalonda Abaisiraeli babe abantu abange ku bwange.”

Abalevi 19:19

“Mugemenga ebiragiro byange. Otaganhanga nsolo dho kuzaalagana na dha kika kindi. Otasiganga mu nimiro yo nsigo dha bika bibiri. Otavaalanga kivaalo kya ngoye dha bika bibiri ebirukiirwa aghalala.

Abalevi 19:37

Mugemenga amateeka gange n'ebiragiro byange, era mubigonderenga. Ninze Musengwa Katonda.”

Abalevi 20:26

Mubenga batukuvu, era nga muli bange zenka, kuba nze Musengwa ndi mutukuvu era nabaawula ku maghanga agandi, mughange okuba abange zenka.

Abalevi 21:8

Kale munaamwawulanga yaaba wa Katonda, kuba agheereza eri Katonda waimwe ekigheebwayo eky'eby'okulya. Munaamubalanga nga mutukuvu, kuba nze Musengwa Katonda atukuza imwe, ndi mutukuvu.

Abalevi 22:32

Mutayonoonanga liina lyange eitukuvu, aye nhenda Abaisiraeli mwenamwena mwatulenga nga bwendi omutukuvu. Ninze Musengwa Katonda abafuula abatukuvu,

Matayo 12:50

Buli akola Lata wange ali mu igulu ky'ayenda, oyo ni muganda wange, ni mwanhinaze ni mukaire wange.”

Matayo 23:17

Muli basiru ate abatulu einho. Kiki ekisinga, zaabu oba eisinzizo eritukuza zaabu?

Matayo 5:19

Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

Matayo 7:24

“Kale buli awulira ebibono byange bino n'abijiiraku afaanana ng'omusaadha omugezigezi eyazimba endhu ye ku lubaale:

Yoanne 13:17

Bino bwe muba mubiidhi, muli ba nkabi bwe mubikola.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

2 Ab'e Thessalonika 2:13

Aboluganda abadingu ba Musengwa, tuli n'okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima.

Yakobo 1:22

Mulobenga kwesubagha nga muwulira buwulire ekibono, aye mukolenga nga bwe kikoba.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.