Abalevi 20:6 - Baibuli Ekibono kya Katonda 2014

⁶ “Omuntu yeenayeena bw'anaajanga okwebuuza ku basamize n'abalogo, n'ataba mwesigwa eri nze, nnaamwefuuliranga, naalekera agho okumubalira mu bantu bange.

Abalevi 20:6 ပူးပေါင်းရင်းမြစ်များ

Zabbuli 73:27

Abo abakuvaaku baja kuzikirira, oja kumalagho abo abadaaliima.

Okuvaayo 22:17

Aye ise ow'omughala bw'anaaloberanga omusaadha oyo okubayiza mughala we, era omusaadha oyo anaabanga n'okutoola omwandu ogusasulirwa omughala omwegha, yaagugha ise w'omughala oyo.

Okuvaayo 22:18

“Otaganhanga mukazi mulogo kubaagho nga mulamu.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 44:11

“Kale ni, nze Musengwa Katonda Afuga Amagye, Katonda wa Isiraeli, nja kubeefuulira nzikirize Buyudaaya yoonayoona.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 19:26

“Mutalyanga mamba ng'ekaalimu omusaayi. Mutakolanga bya bulogo oba eby'okulagulwa.

Abalevi 19:31

“Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Abalevi 20:27

“Omusaadha oba omukazi omusamize, oba omulogo, anaitibwanga. Anaakubwanga amabaale yaitibwa. Mwene n'anaabanga yeereeteire okwitibwa.”

Abalevi 20:5

Nze mwene ndyefuulira omuntu oyo n'ab'omu ndhu ye boonaboona, n'abo boonaboona abamweyimbaku mu butaba beesigwa ye ndi ni basinza Moleki. Ndirekera okubabalira mu bantu bange.

Okubala 15:39

Amadhwenge ago buli lwe munaagalingangaku gaidha kubanga akamanhiso akanaabaidhusanga amateeka gange nze Musengwa Katonda n'okugagonderanga, mulobenga kunvaaku ni mujiira ku ebyo emyoyo gyaimwe n'amaiso gaimwe bye bibaleetera okwegomba.

Ebikolwa by'Abatume 16:16

Olunaku lulala twali tuja mu kifo ekisabirwamu, twayagaana omughala omwiru eyali abandwa omuzimu ogulagula era eyafuniranga basengwa be ebintu ekyodo ng'alagula.