Abalevi 20:5 - Baibuli Ekibono kya Katonda 2014

⁵ Nze mwene ndyefuulira omuntu oyo n'ab'omu ndhu ye boonaboona, n'abo boonaboona abamweyimbaku mu butaba beesigwa ye ndi ni basinza Moleki. Ndirekera okubabalira mu bantu bange.

Abalevi 20:5 ပူးပေါင်းရင်းမြစ်များ

2 Ebyomubyanda 21:11

Ate n'ekindi, yazimba ebifo ebigulumivu eby'okusinzizaamu ku biketezo bya Buyudaaya eby'oku nsozi, yaaleetera abantu ab'omu Yerusalemu n'ab'omu Buyudaaya boonaboona, okwonoona eri Musengwa Katonda.

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Yeremia 32:39

Ndibaleetera okweyimba ekitole era nga bali n'ekigendererwa kirala, eky'okuntaamu ekitiisa olubeerera ku lw'obulungi bwaibwe beene n'obwa baidhukulu baibwe.

Yeremia 44:11

“Kale ni, nze Musengwa Katonda Afuga Amagye, Katonda wa Isiraeli, nja kubeefuulira nzikirize Buyudaaya yoonayoona.

Hosea 2:13

Ndimubonereza olw'okukuzanga ebibinuko by'omusambwa Baali era n'aguniokezanga obubbaani. Era ndimubonereza olw'okuvaala empeta n'ebyamadholobera, n'aja n'abagonzi be, olwo nze n'aneerabira. Musengwa Katonda n'akobye.

Hosea 2:5

Inhaibwe yakola obwamalaaya, oyo eyabazaala yeebisa mu nsambo eswaza ng'akoba ati: “Ndidha kuja y'abagonzi bange, bampe emere, n'amaadhi, n'engoye empegheevu, n'edho edhaakolebwa mu buviiri bw'entaama, n'omuzigo ogw'ebibala eby'emiti emyoliva, n'eby'okunhwa.”

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Abalevi 20:4

Aye abantu bwebataafengayo ku ky'akoze ni batamwita,

Abalevi 20:6

“Omuntu yeenayeena bw'anaajanga okwebuuza ku basamize n'abalogo, n'ataba mwesigwa eri nze, nnaamwefuuliranga, naalekera agho okumubalira mu bantu bange.