Abalevi 20:27 - Baibuli Ekibono kya Katonda 2014

²⁷ “Omusaadha oba omukazi omusamize, oba omulogo, anaitibwanga. Anaakubwanga amabaale yaitibwa. Mwene n'anaabanga yeereeteire okwitibwa.”

Abalevi 20:27 ပူးပေါင်းရင်းမြစ်များ

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Okuvaayo 22:18

“Otaganhanga mukazi mulogo kubaagho nga mulamu.

Abalevi 19:31

“Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Abalevi 20:2

akobere Abaisiraeli ati: “Bweghanaabangagho Omuisiraeli oba omusenze yeenayeena eyasenga mu Isiraeli, aghaayo ku baana be okukozesebwa mu kusinza omusambwa Moleki, abantu boonaboona banaamukubanga amabaale yaafa.

Abalevi 20:6

“Omuntu yeenayeena bw'anaajanga okwebuuza ku basamize n'abalogo, n'ataba mwesigwa eri nze, nnaamwefuuliranga, naalekera agho okumubalira mu bantu bange.

Abalevi 24:14

“Oyo omusaadha eyakoliime, mumutwale mu kifo aghazira weema dha bantu. Era abo boonaboona abaamuwuliire, bate emikono gyaibwe ku mutwe gwe, okukakasa nti yakoliime, memale olwo abantu boonaboona bamukube amabaale afe.

Okubala 15:35

Agho Musengwa Katonda yaakoba Musa ati: “Omuntu oyo ateekwa kwitibwa. Abantu boonaboona baidha kumukuba amabaale afe, nga bamutoire mu kifo ghe baasimba weema dhaibwe.”

Ebikolwa by'Abatume 16:16

Olunaku lulala twali tuja mu kifo ekisabirwamu, twayagaana omughala omwiru eyali abandwa omuzimu ogulagula era eyafuniranga basengwa be ebintu ekyodo ng'alagula.

Amateeka Agokubiri 21:21

Agho abasaadha boonaboona ab'omu kibuga ekyo, baidha kumukubanga amabaale bamwite. Mu nsambo eyo munaabanga nga mwetoiremu ekibi ekyo. Agho Abaisiraeli boonaboona bwe banaawuliranga ekibairegho, baidha kutyanga.”

1 Samueli 28:3

Mu kiseera ekyo Samueli yali amaze okufa, nga n'Abaisiraeli boonaboona bamaze okumulira n'okumuziika e Rama mu kibuga kye. Era Saulo yali amaze okubinga abalaguzi n'abasamize mu Isiraeli.