Abalevi 20:26 - Baibuli Ekibono kya Katonda 2014

²⁶ Mubenga batukuvu, era nga muli bange zenka, kuba nze Musengwa ndi mutukuvu era nabaawula ku maghanga agandi, mughange okuba abange zenka.

Abalevi 20:26 ပူးပေါင်းရင်းမြစ်များ

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Zabbuli 99:5

Musaake Musengwa Katonda waife, mumusinze nga muli mu maiso ag'ekityamo kye eky'obwakyabazinga, kuba mutukuvu!

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Isaia 30:11

Mutuviire mu ngira mulobe kutwekiika mberi. Mulekere agho okutukobera ebigema ku Mutukuvu wa Isiraeli.’ ”

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Abalevi 11:44

Ninze Musengwa Katonda waimwe. Mubenga batukuvu, kuba nze ndi mutukuvu. Muteereeteranga kuba batali batukuvu nga mulya ku mamba ey'ebyekululira ku itaka ebyo.

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Abalevi 20:7

Kale mubenga batukuvu, kuba ninze Musengwa Katonda waimwe.

Abalevi 20:8

Mugemenga amateeka gange era mugajiirengaku, kuba ninze Musengwa abafuula abatukuvu.

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Yoshua 24:19

Aye Yoshua yaakoba abantu ati: “Timusobola kugheereza Musengwa Katonda, kuba oyo ni Katonda omutukuvu era Katonda ow'enkikidi. Taja kubasonigha kwonoona kwaimwe oba ebibi bye mukola.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati:

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”