Abalevi 20:24 - Baibuli Ekibono kya Katonda 2014

²⁴ Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Abalevi 20:24 ပူးပေါင်းရင်းမြစ်များ

1 Bakyabazinga 8:53

kuba wabalonda mu maghanga goonagoona ag'oku nsi, okuba ababo ku bubwo, nga bwe wakoba ng'obita mu mugheereza wo Musa, bwe watoola badhaadha baife mu Misiri.”

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 33:1

Agho Musengwa Katonda yaakoba Musa ati: “Muve ghano, iwe n'abantu be watoola mu Misiri, muje mu nsi ye nalayira okugha Aburahamu, ni Isaaka, ni Yakobo, n'abaana baibwe, n'abaidhukulu.

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Okuvaayo 33:3

Muje mu nsi engimu era erimu ebirungi kamaala. Aye nze tiidha kujiira ghalala n'imwe, kuba nsobola okubaita naabamaliragho mu ngira, olw'okuba muli ba mpwitu inho.”

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Abalevi 14:34

“Bwe muliba nga mutuuse mu nsi Kanaani ye mbagha okuba obutaka bwaimwe, memale ni nta endwaire ey'ebigenge mu ndhu ey'omuntu mu nsi eyo,

Abalevi 20:26

Mubenga batukuvu, era nga muli bange zenka, kuba nze Musengwa ndi mutukuvu era nabaawula ku maghanga agandi, mughange okuba abange zenka.

Okubala 23:9

Mbabona nga ndi ku ngulu ku nsozi enene, naabalengera nga ndi ku busozi obutono. Abantu abo bali eighanga eriba lyonka, eighanga eriteetabula na maghanga gandi.

Yoanne 15:19

Nguli muli ba nsi, ensi yandibagonziiza ng'abaayo. Aye nabalonda okuva mu nsi era timukaali ba nsi, ensi ky'eva n'ebakyagha.

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.