Abalevi 20:23 - Baibuli Ekibono kya Katonda 2014

²³ Muteebisanga ng'abantu abo be ndi kubingamu okuleetamu imwe kuba baakolanga ebyo byonabyona, bandeetera okubeesinwa.

Abalevi 20:23 ပူးပေါင်းရင်းမြစ်များ

Zabbuli 78:59

Katonda bwe yabona ebyo yaidhula ekiruyi, era yaabatooleraku irala omwoyo.

Abalevi 18:2

“Kobera Abaisiraeli oti: Ninze Musengwa Katonda, Katonda waimwe.

Abalevi 18:24

“Mutakolanga ekindi ku bintu ebyo waire ekirala kiti, kuba kibafuula abatali balongoofu. Ebyo byonabyona n'ebyafuula abantu abamaghanga agandi agatantya okuba abatali balongoofu, ge ndi kubinga mu nsi eno okuleetamu imwe.

Abalevi 18:25

Ebikolwa byaibwe byafuula ensi eno obutaba nongoofu, kye nva ndi kubabonereza nga mbabingira kuliya okubamaliramu irala.

Abalevi 18:3

Muteebisanga ng'abantu ab'e Misiri ye mwabanga, oba ng'abantu ab'omu nsi Kanaani, ye ndi kubatwala. Mutajiiranga ku mpisa dhaibwe.

Abalevi 18:30

“Kale mugonderenga bye mbalagira, mulobenga kujiiranga ku mpisa edho edheenhinhalwa, edh'abo abaabasooka okuba mu nsi eno, era mulobenga kwereetaku butali bulongoofu nga mukola ebyo. Ninze Musengwa Katonda waimwe.”

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Amateeka Agokubiri 9:5

Musengwa Katonda ali kubaleka okutwala ensi yaibwe, ti lwa kuba nga mugwaniire, oba nti mugondera ebiragiro bye. Aye beene ali kubabingamu, nga imwe mukaali kutuukayo, lwa bibi byaibwe, era lwa kuba ayenda okutuukiriza ekisuubizo, kye yasuubiza badhaadha baimwe, Aburahamu, Isaaka, ni Yakobo.