Abalevi 20:22 - Baibuli Ekibono kya Katonda 2014

²² “Mugemenga amateeka gange n'ebiragiro byange byonabyona, olwo mulobe kubingibwa mu nsi Kanaani ye nja okubaingizaamu okubangamu.

Abalevi 20:22 ပူးပေါင်းရင်းမြစ်များ

Zabbuli 105:45

ng'ayenda abantu be abo bagonderenga amateeka ge, era bajiirenga ku biragiro bye. Mwenamwena musaake Musengwa Katonda.

Zabbuli 119:106

Neeyamye era tija kwerabira okujiiranga ku nsala yo entuufu eziramu kwekubira.

Zabbuli 119:145

Wo Musengwa Katonda, nkweta n'omwoyo gwange gwonagwona nga nkweghemba; ndhiraamu, olwo ndidha kugonderanga by'olagira.

Zabbuli 119:160

Ekibono kyo n'amazima geene, n'ensala yo yoonayoona ntuufu eziramu kwekubira ebyanda n'ebyanda.

Zabbuli 119:164

Nkusaaka emikuzi musanvu olunaku, olw'ensala yo entuufu eziramu kwekubira.

Zabbuli 119:171

Ndidha kukusaakanga buli kaakyeire, kuba niiwe ondhegeresa amateeka go.

Zabbuli 119:175

Mpa obulamu nsobole okukusaakanga, ng'ensala yo entuufu n'enkuuma.

Zabbuli 119:20

Omwoyo gunsiriira olw'okwegomba einho okumanha buli kiseera ensala yo entuufu.

Zabbuli 119:80

Nkusaba ombeere okugema ebiragiro byo n'omwoyo gwange gwonagwona, ndobe kuswala.

Okuvaayo 21:1

“Abantu boonaboona Abaisiraeli baghe amateeka gano:

Ezekieli 36:27

Ndibataamu omwoyo ogwange, naabaleetera okujiira ku mateeka gange, nga mukola bye mbalagira.

Abalevi 19:37

Mugemenga amateeka gange n'ebiragiro byange, era mubigonderenga. Ninze Musengwa Katonda.”

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amateeka Agokubiri 4:45

Kuno n'okulamba, n'amateeka, n'ebiragiro, Musa bye yakobera Abaisiraeli bwe baava mu Misiri.

Amateeka Agokubiri 5:1

Agho Musa yaayeta Abaisiraeli boonaboona, yaabakoba ati: “Imwe Abaisiraeli, muwulire amateeka n'ebiragiro bye ndi kubagha olwaleero. Mubyege era mwegendereze okubituukirizanga.