Abalevi 20:17 - Baibuli Ekibono kya Katonda 2014

¹⁷ Omusaadha bw'anaabayizanga mwanhina, waire nga mwanhina ku ise ow'omukazi owundi, oba mwanhina ku inhina ow'omusaadha owundi, banaabanga bakoze kiive. Banaabanga nga tibakaabalirwa mu bantu baibwe. Omusaadha oyo anaabonerezebwanga olw'ekibi kye ekyo, eky'okuba ni mwanhina mu buliri.

Abalevi 20:17 ပူးပေါင်းရင်းမြစ်များ

Amainhama 20:12

Aye era oyo mwanhinaze, mwana wa lata, aye ti wa maama era yafuuka mukazi wange.

2 Samueli 13:12

Tamari yaamwiramu ati: “Busa mwanhinaze, otankaka, kuba ekintu ng'oti n'ekyo tikikolebwa mu Isiraeli. Otakola kintu ekyo kya budankaanu.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Ezekieli 22:11

Mu iwe mulimu abenda ku baka beene, mwabaamu abenda ku baka batabane baibwe, n'abenda ku baanhinaibwe abaana ba baiseibwe.

Abalevi 18:9

Otabanga na mwanhoko mu buliri, waire mwanhoko ku lata wo ow'omukazi owundi, oba mwanhoko ku inhoko ow'omusaadha owundi, k'abe nga yakulira ghalala n'iwe ghaka, oba nga yakulira ghandi.

Abalevi 20:16

N'omukazi bw'anaabanga n'ensolo mu nsambo abasaadha ye baba n'abakazi mu buliri, anaitibwanga era n'ensolo eyo yoona yaitibwa mwene era n'ensolo eyo n'abanaabanga nga beereeteire okwitibwa.

Okubala 5:31

Omusaadha oyo taidha kubangaku kibi kimuvunaanibwa, aye mukazi bw'anaabanga nga yayonoona, aidha kubonerezebwanga olw'ekibi kye ekyo.”

Amateeka Agokubiri 27:22

“ ‘Omuntu yeenayeena anaabanga ni mwanhina mu buliri, waire nga mwanhina ku ise oba ku inhina, akolimirwenga!’ “Olwo abantu boonaboona baliiramu bati, ‘Amiina.’