Abalevi 20:14 - Baibuli Ekibono kya Katonda 2014

¹⁴ Omusaadha bw'anaabayizanga omukazi n'inhina w'omukazi oyo, ekyo kinaabanga kiive. Abasatu abo banaayokebwanga omuliro baafa. Era mutaganhanga kibi ng'oti n'ekyo okuba mu imwe.

Abalevi 20:14 ပူးပေါင်းရင်းမြစ်များ

Abalevi 18:17

Otabanga na mukazi mu buliri, kabiri n'omala n'oba na mughala we mu buliri, oba mughala wa mutabane we, oba mughala wa mughala we. Ekyo kiive, kuba abo bakuliku obuko.

Abalevi 21:9

Era mughala wa kabona bw'aneeyonoonanga ng'akola obwamalaaya, anaabanga aswaziiza ise. Anaayokebwanga omuliro yaafa.

Amosi 2:7

Batyankirira abaavu ng'oti n'abatyankirira enkungu, baasindika ere abaghafu babaviire mu ngira. Omulenzi n'ise baja ku mukazi mulala, mu nsambo eyo baaba nga boonoona eriina lyange eitukuvu.

Amateeka Agokubiri 27:23

“ ‘Omuntu yeenayeena anaabanga n'inhazaala we mu buliri, akolimirwenga!’ “Olwo abantu boonaboona baliiramu bati, ‘Amiina.’

Yoshua 7:15

Ndidha kwoleka omuntu ali n'ebintu ebyo ebyali biri n'okuzikirizibwa. Omuntu oyo mwidha kumwokya n'ab'omu maka ge boonaboona, na kiisi kintu kyayeta ati kikye, kuba yakola bubi inho okudheemera ekiragiro kyange era n'okuswaza Isiraeli obwaga agho.”

Yoshua 7:25

Bwe baatuuka eyo Yoshua yaakoba Akyani ati: “Lwaki watuleetaku obuzibu obwaga agho? Leka buti weena Musengwa Katonda akuleeteku obuzibu!” Agho abantu boonaboona baakuba Akyani amabaale yaafa. N'ab'omu maka ge boona baabakuba amabaale baafa, era baabookya n'ebyaibwe byonabyona.