Abalevi 2:16 - Baibuli Ekibono kya Katonda 2014

¹⁶ Kabona anaayokyanga ekitundu eky'engaano, n'eky'omuzigo, ghalala n'obubbaani bwonabwona, nga n'akamanhiso akooleka nga byonabyona bigheereibwayo; ekyo n'ekigheebwayo eri Musengwa Katonda nga kyokebwa n'omuliro.

Abalevi 2:16 ပူးပေါင်းရင်းမြစ်များ

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 2:12

Mughengayo eri Musengwa Katonda ebigheebwayo ku birime ebisooka okukungulwa buli mwaka, aye bitayokebwanga ku alutaari.

Abalevi 2:14

“Ole ng'aja okughaayo eri Musengwa Katonda ekigheebwayo eky'ebirime ebisooka okukungulwa, aghengayo engaano empyaka ekalangiibwaku.

Abalevi 2:15

Ateerengaku omuzigo n'obubbaani, ekyo n'ekigheebwayo eky'emere ey'empeke.

Abalevi 2:9

Kabona anaatoolanga ekitundu ku kigheebwayo ekyo, kibe akamanhiso akooleka nga byonabyona bigheereibwayo eri Musengwa Katonda. Era anaayokeranga ekitundu ekyo ku alutaari. Akawoowo ak'ekigheebwayo ekyo ekyokebwa, kasangaaza Musengwa Katonda.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.