Abalevi 2:13 - Baibuli Ekibono kya Katonda 2014

¹³ Buli kigheebwayo eky'emere ey'empeke mukitengaku omuunhu, kuba omuunhu n'akamanhiso k'endagaano ghagati waimwe ni Katonda. Mu butuufu, ebigheebwayo byonabyona mubitengaku omuunhu.

Abalevi 2:13 ပူးပေါင်းရင်းမြစ်များ

2 Ebyomubyanda 13:5

Timwidhi nti Musengwa Katonda, Katonda wa Isiraeli, ng'abita mu ndagaano etaja kukyusibwamu, yagha Daudi n'eizaire lye okufuganga nga bakyabazinga ba Isiraeli lubeerera?

Ezera 7:22

Bamughenga nga tibaswisa kilo enkumi isatu na bina (3,400) edha feeza, ni kilo omutwalo mulala (10,000) edh'engaano, ni lita enkumi ibiri (2,000) edh'omwenge ogw'emizabbibu, ni lita enkumi ibiri (2,000) edh'omuzigo ogw'ebibala eby'emiti emyoliva, era bamughenga omuunhu gwonagwona ogwetaagibwa.

Okuvaayo 30:35

Ebyo byonabyona oidha kubitabulira ghalala nga bwe batabula ebizigo eby'okwesiiga, ofunemu obubbaani obuwunha akawoowo. Omwo oidha kutaamu omuunhu era bube butukuvu.

Ezekieli 43:24

waadhireeta mu maiso gange, nze Musengwa Katonda. Bakabona baadhimansiraku omuunhu, era baamala baadhookya dhaaba ekigheebwayo eri nze Musengwa Katonda ekyokebwa.

Okubala 18:19

Nkughaire iwe, ni batabane bo, ni baghala bo, ebigheebwayo ebitukuvu byonabyona Abaisiraeli bye banandeeteranga nze Musengwa Katonda, bibe omugabo gwaimwe gwe munaafunanga ebyanda n'ebyanda. Eyo n'endagaano ye nkoze n'iwe era n'eizaire lyo, etaja kumenhebwagho ebyanda n'ebyanda.”

Matayo 5:13

“Niimwe omuunhu ogw'ensi. Aye omuunhu bwe guwaamu ensa gwiramu gutya ensa! Kuba guba tigukaali na mugaso okutoolaku okusuulibwa ku luya abantu baagutyankirira.

Ab'e Kolosai 4:6

Mu kwogera mukozesenga ebibono ebiwooma era ebigwaine, nga kiisi abuuza mwidhi eky'okumwiramu.