Abalevi 19:34 - Baibuli Ekibono kya Katonda 2014

³⁴ Mubabisenga ng'oti Baisiraeli banaimwe abazaale baamu, era mubagonzenga ng'oti ni bwe mwegonza beene, kuba mwena mwali basenze mu nsi Misiri. Ninze Musengwa Katonda waimwe.

Abalevi 19:34 ပူးပေါင်းရင်းမြစ်များ

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Okuvaayo 22:21

“Omuntu ow'eighanga erindi otamubisanga bubi oba okumutuntuza, kuba mwena mwali ba ighanga lindi nga muli e Misiri.

Ezekieli 47:22

yaaba yaimwe ey'ensikirano. N'abagwira abaasenga mu imwe era ni bazaalira mu imwe n'abaana, boona balifuna omugabo ng'Omuisiraeli owundi yeenayeena.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Okubala 10:32

Bw'oja n'ife oidha kugabananga ku birungi byonabyona Musengwa Katonda by'anaatughanga.”

Matayo 5:43

“Mwawulira nga bakoba bati, ‘Ogonzanga mukagwa wo era waakyagha omuzigu wo.’

Amateeka Agokubiri 10:19

Agho ni, mugonzenga abasenze abo, kuba mwena mwali basenze mu Misiri.

Amateeka Agokubiri 23:7

“Mutanhoomanga Baedomu, kuba baluganda n'imwe. Mutanhoomanga Bamisiri, kuba mwaliku basenze mu nsi yaibwe.

Amateeka Agokubiri 23:8

Baidhukulu baibwe okuva ku luse olwokusatu n'okweyongerayo, banaikirizibwanga okubalirwa mu bantu ba Musengwa Katonda.”

Ruthi 2:10

Ruthi yaakuba amakiryaivu, yaakutama n'ekyeni kyatuuka ku itaka. Yaakoba Boazi ati: “Yenga oli wa kivunika! Kiviire ku ki ninze omugwira n'ombona era n'ongemerwa ekisa?”