Abalevi 19:32 - Baibuli Ekibono kya Katonda 2014

³² “Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Abalevi 19:32 ပူးပေါင်းရင်းမြစ်များ

Amainhama 31:35

Rakeli yaakoba ise ati: “Isebo, otansungughalira olw'obutasobola kwemerera mu maiso go, kuba ndi mulwaire.” Labani yaayagaaza aye yaaloba kuzuula misambwa gye egy'omu maka.

Amainhama 48:12

Agho Yosefu yaabatoola ku makiryaivu ga Isiraeli, era yaakuba amakiryaivu n'obweni bwatuuka ku itaka.

1 Bakyabazinga 2:19

Kale Bathisheba yaaja ye kyabazinga Solomoni okwogererayo Adoniya. Kyabazinga yaasituka okusangaaza inhina ng'akutaimeku. Yaatyama ku kityamo kye eky'obwakyabazinga. Yaalagira baaleetera inhina ekityamo, inhina yaatyama ku luuyi olw'omukono omusaadha olwa kyabazinga.

2 Bakyabazinga 17:36

Aye mutyenga nze Musengwa Katonda eyabatoola mu nsi Misiri nga nkozesa amaani agataloodheka. Ninze ye munaakubiranga amakiryaivu era ninze ye munaaghanga emisengo.

Yobu 32:4

Elihu yali akaateeze bale bamale okwogera, memale abeeku ky'akoba Yobu. Kuba mwene n'eyali omuto ku bale.

Yobu 32:6

Agho Elihu oyo mutabane wa Barakeli Omubuza, yairamu ng'akoba ati: “Nze ndi muto mu myaka aye imwe muli bakulu, kye nviire ni ntya, ni ntabakobera kye ndidhi.

Ensambo 16:31

Envu edh'obukaire dhiri ng'oti n'engule ey'ekitiisa, dhifunibwa abo abeebisiisa mu bulamu obutuufu.

Ensambo 20:29

Okwenhumiriza okw'abaisuka kuli mu maani gaibwe, aye omutwe ogw'envu n'oguwoomya abakaire.

Ensambo 23:22

Wulirisanga lata wo, kuba n'eyakuzaala era otanhoomereranga inhoko, waire ng'akairiighe.

Isaia 3:5

Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Okulira 5:12

Baasiba abakungu baife ku migugha, baabaghanika baabalengeedhia ku miti okutuusa lwe bafa, era ghazira kitiisa kye bata mu bakaire.

Abalevi 19:14

Mutakolimiranga musigha, era mutateeranga mutulu kitimuguunha mu ngira ni yeekontolaku. Aye mutyenga nze Musengwa Katonda waimwe.

Ab'e Roma 13:7

Kale ni boonaboona mubaghenga kye muteekwa okubagha. Asoloza omusolo mugumughenga, asoloza empooza mugimughenga, agwaine okutiibwa mumutyenga, era n'ow'ekitiisa mukimughenga.

1 Timotheo 5:1

Otadhuukanga musaadha mukaire, aye mulambenga nga lata wo, ate abaisuka batwalenga nga baganda bo.

1 Petero 2:17

Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.