Abalevi 19:31 - Baibuli Ekibono kya Katonda 2014

³¹ “Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Abalevi 19:31 ပူးပေါင်းရင်းမြစ်များ

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Bakyabazinga 23:24

Yosia era yaatoolagho mu Yerusalemu ni mu Buyudaaya mwonamwona, abasamize, n'abalogo, n'emisambwa egy'omu maka, n'ebisinzibwa ebitali Katonda, era n'ebintu ebindi byonabyona ebyenhinhalwa. Yaakola ekyo, aghange okuleetera amateeka ago okukakata mu bantu, agaaghandiikibwa mu kitabo Hilikia Omukulu wa Bakabona kye yazuula mu isinzizo.

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Okuvaayo 22:18

“Otaganhanga mukazi mulogo kubaagho nga mulamu.

Isaia 29:4

Yerusalemu kiriba ng'oti n'omuzimu ogwekakaba okwogera nga guli ghansi mu itaka; amamiro gaakyo galiwulikana ng'oti kaama bwama okuva eyo mu nkungu.

Isaia 47:13

Abawi b'amagezi b'oli nabo abangi bakumenhera bwereere: oli n'abeetegereza ebiri ku igulu, waaba n'abeekebeedha emuunienie, n'abo abalagula nga bajiira ku kuboneka kw'omwezi. Kale ku lwaki abo tibavaayooku kukuyamba, bakukobere ebirikutuukaku?

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Abalevi 19:26

“Mutalyanga mamba ng'ekaalimu omusaayi. Mutakolanga bya bulogo oba eby'okulagulwa.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 20:27

“Omusaadha oba omukazi omusamize, oba omulogo, anaitibwanga. Anaakubwanga amabaale yaitibwa. Mwene n'anaabanga yeereeteire okwitibwa.”

Ebikolwa by'Abatume 8:11

Baamuwuliranga, kuba yamala entangama ng'abaasaamiriza n'obulogo bwe.

Ab'e Galatia 5:20

okusinza ebitali Katonda, okuloga, enzigu, okukanamuka, ensaalwa, okudhuunadhuuna, okwebitiriza, okuba n'obutaisania, okweyawulamu,

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

1 Samueli 28:3

Mu kiseera ekyo Samueli yali amaze okufa, nga n'Abaisiraeli boonaboona bamaze okumulira n'okumuziika e Rama mu kibuga kye. Era Saulo yali amaze okubinga abalaguzi n'abasamize mu Isiraeli.