Abalevi 19:30 - Baibuli Ekibono kya Katonda 2014

³⁰ Mukuzenga olunaku lwa Sabbato, era mutenga ekitiisa mu kifo kyange Ekitukuvu. Ninze Musengwa Katonda.

Abalevi 19:30 ပူးပေါင်းရင်းမြစ်များ

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Okuvaayo 20:8

“Muteerabiranga kukuza lunaku lwa Sabbato nga lutukuvu.

Omulangirizi 5:1

Weegenderezenga inho ng'oli kuja mu isinzizo. Okujaayo n'owulirisa oyege, kisingaku okumala gaghaayo misengo ng'abasiru bwe bakola; kuba tibaidhi nga bali kukola kibi.

Ezekieli 9:6

Muje nga mwita abakaire, abaisuka, abaghala abaguna, abaana abato, n'abakazi. Aye mutagema ku muntu yeenayeena aliku kamanhiso. Era mutandiikire ghano ku isinzizo lyange.” Kale baatandiikira ku bakulembeze abaali agho gha isinzizo.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 15:31

Musengwa Katonda yaakoba Musa ni Aaroni ati: “Kale ni mutyo bwe munaalabulanga Abaisiraeli ku butali bulongoofu bwaibwe, balobe kufa olw'okwonoona Eweema yange ebalimu ghagati.”

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Abalevi 26:2

Mukuzenga olunaku lwa Sabbato, era mutenga ekitiisa mu Kifo kyange Ekitukuvu. Ninze Musengwa Katonda.

Matayo 21:13

Era yaabakoba ati: “Kyaghandiikibwa kiti, ‘Endhu yange enaayetebwanga ndhu ya kusabiramu,’ aye imwe mugifiire mpuku ya banhazi!”

2 Ab'e Korintho 6:16

Eisinzizo lya Katonda liisania litya n'ebyo ebisinzibwa ebitali Katonda? Kuba ife, niife eisinzizo lya Katonda Omulamu, era nga Katonda mwene bw'akoba ati: “Ndidha kubanga mu bantu bange, era mu abo mwe naatambuliranga Ndidha kubanga Katonda waibwe, boona baidha kubanga bantu bange.”

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?