Abalevi 19:29 - Baibuli Ekibono kya Katonda 2014

²⁹ “Mutayonoonanga baghala baimwe nga mubaghaayo okukozesebwa nga bamalaaya ab'omu masabo, kuba ensi eidha kwidhula empisa embi.

Abalevi 19:29 ပူးပေါင်းရင်းမြစ်များ

Abalevi 19:28

Muteesalasalanga ku mibiri gyaimwe ng'akamanhiso ak'okulira abafu, oba okwetonaku endhola olw'okwewoomya. Ninze Musengwa Katonda.

Abalevi 21:7

“Kabona atabayizanga mukazi eyakolaku obwamalaaya, oba omukazi atali mwegha, oba oyo eyabingibwa ewa iba, kuba kabona yayawulirwa Katonda we.

Abalevi 21:9

Era mughala wa kabona bw'aneeyonoonanga ng'akola obwamalaaya, anaabanga aswaziiza ise. Anaayokebwanga omuliro yaafa.

1 Ab'e Korintho 6:15

Timwidhi ng'emibiri gyaimwe bitundu bya mubiri gwa Kurisito? Memale obwo ntoole ebitundu by'omubiri gwa Kurisito mbifuule ebitundu eby'omubiri gw'omwenzi? Busa naire!

Amateeka Agokubiri 22:21

baidha kufulumyanga omughala oyo ku mulyango gw'endhu ya ise, abasaadha ab'omu kibuga ky'ewaibwe bamukube amabaale bamwite; kuba yakola eky'ensoni mu Isiraeli, yaaba n'omusaadha ate ng'akaali mu ndhu ya ise. Mutyo bwe muneetoolangaku ekibi ekyo.