Abalevi 19:28 - Baibuli Ekibono kya Katonda 2014

²⁸ Muteesalasalanga ku mibiri gyaimwe ng'akamanhiso ak'okulira abafu, oba okwetonaku endhola olw'okwewoomya. Ninze Musengwa Katonda.

Abalevi 19:28 ပူးပေါင်းရင်းမြစ်များ

1 Bakyabazinga 18:28

Abalanzi ba Baali baayeta inho, era beesala n'empiima n'ebyambe, nga bweyali empisa yaibwe, okutuusa omusaayi okukuuluula.

Yeremia 16:6

Abantu ababbede beene n'abo abasembayo ghansi balifiira mu nsi eno aye ghaabulagho omuntu abaziika oba abalira, nga yeesalasala ku mubiri gwe, oba ng'amwa enviiri gha mberi ku mutwe gwe gwaba ng'oti gwa mpaata olw'okunakughala.

Yeremia 48:37

Boonaboona bamweire enviiri ku mitwe gyaibwe, baasalaku n'ebirevu byaibwe. Era beesazesaze emisale ku mikono gyaibwe, baavaala n'ekutiya olw'enaku.

Abalevi 19:27

Mutakendeezanga ku nviiri dhaimwe edh'omu mbali, oba okukendeeza ku birevu byaimwe.

Abalevi 19:29

“Mutayonoonanga baghala baimwe nga mubaghaayo okukozesebwa nga bamalaaya ab'omu masabo, kuba ensi eidha kwidhula empisa embi.

Abalevi 21:1

Musengwa yaalagira Musa ati: “Kobera bakabona batabane ba Aaroni oti ghatabangagho waire omulala ati ku beene aneereeteranga okuba atali mulongoofu nga yeeyimba mu mikolo egibaagho mu kufiirwa ab'enganda dhe,

Abalevi 21:11

Tiyeereeterenga kuba atali mulongoofu oba okwonoona Ekifo kyange Ekitukuvu, ng'akivaamu okuseeta aghali omulambo, ni bwe guba ogwa ise oba ogwa inhina, kuba yayawulirwa nze Katonda we ng'asiigibwa omuzigo omutukuvu.

Abalevi 21:5

“Bakabona batakendeezanga ku nviiri dhaibwe edh'omu mbali, oba okukendeeza ku birevu byaibwe, era bateesalasalanga ku mibiri gyaibwe ng'akamanhiso ak'okulira abafu.

Mariko 5:5

Omusana n'obwire yabanga eyo mu lwambiidhi ni mu nsozi ng'ayasiikana bwe yeekulubula n'amabaale.

Yoanne 20:25

Kale baine baamukobera bati: “Tuboine Musengwa.” Aye yaabairamu ati: “Okutoolaku nga mboine ku nkovu mu bwala bwe mwe baafumita emisumaali, era ni ntaaku olwala lwange mu nkovu omwo, era ni ntaaku omukono gwange mu mbavu dhe, tighanga era tija kwikiriza naire.”

Amateeka Agokubiri 14:1

Musa yaakoba Abaisiraeli ati: “Imwe muli bantu ba Musengwa Katonda waimwe. Kale ni muteesalasalanga ku mibiri gyaimwe, oba okumwa enviiri gha mberi ku mitwe gyaimwe ni giba ng'oti gya mpaata, ng'abantu abandi bwe bakola nga bali kulira abafu.

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”

Okwolekebwa 14:9

Malaika owundi owokusatu yairirira bale ababiri ng'ayogera n'amamiro ag'amaani ati: “Kiisi muntu asinza ekisolo n'ekifaananie kyakyo, n'aganha okuteebwaku akamanhiso kaakyo mu kyeni oba ku mukono,

Okwolekebwa 15:2

Era naabona enhandha eri ng'oti kirawuli ng'etabwirwa ghalala n'omuliro. Ku mbali kw'enhandha eyo nga kwemereireku abo abaaghangula ekisolo n'ekifaananie kyakyo n'omughendo ogw'eriina lyakyo. Baali bagemye entongooli Katonda dhe yabagha.

Okwolekebwa 16:2

Malaika asooka yaaja, yaayugha ekibya kye ku nsi. Amabwa amanene era amabi einho gaagema abantu abaaliku akamanhiso k'ekisolo n'abo abaasinza ekifaananie kyakyo.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).