Abalevi 19:26 - Baibuli Ekibono kya Katonda 2014

²⁶ “Mutalyanga mamba ng'ekaalimu omusaayi. Mutakolanga bya bulogo oba eby'okulagulwa.

Abalevi 19:26 ပူးပေါင်းရင်းမြစ်များ

Amainhama 44:5

Ekikopo ekyo musengwa wange ni ky'anhweramu era ni ky'akozesa ng'alagula. Kye mukoze kibi inho!’ ”

Amainhama 9:4

Aye kye mutateekwa kulya, n'emamba ng'erimu omusaayi; kuba omusaayi n'obulamu.

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Okuvaayo 7:11

Agho kyabazinga yaayetesa abasaadha be abagezigezi n'abalogo, boona baakozesa obulogo bwaibwe baakola ekintu n'ekirala.

Okuvaayo 8:7

Aye abalogo baakozesa eirogo lyaibwe, boona baaleetera ebikere okwidhula ku nsi Misiri.

Yeremia 10:2

Musengwa Katonda oyo akoba ati: “Mutayeganga mpisa dha bamaghanga gandi. Mutatyanga olw'obumanhiso obubabonekera ku igulu waire nga abamaghanga agandi babutya.

Danieli 2:10

Baamwiramu bati: “Isebantu kyabazinga, ghazira muntu waire omulala ati ku nsi kuno asobola kukola ekyo ky'oyenda tukole. Era tebangayooku kyabazinga k'abe mukologho oba wa bukumu, akobangaku balaguzi, na basamize, na ba maghembe, kintu ng'oti n'ekyo.

Abalevi 19:25

Aye mu mwaka ogwokutaanu, muliba ba idembe okulya ku bibala byagyo. Ebyo byonabyona bwe mulibituukiriza, emiti gyaimwe giribala inho. Ninze Musengwa Katonda waimwe.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 7:26

Era woonawoona ghe munaabanga, mutalyanga ku musaayi gwonagwona, ka gube gwa nhonhi oba gwa nsolo.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Ebikolwa by'Abatume 15:20

Aye tubaghandiikire tubakobe beeghale okutwalirizibwa ebisinzibwa ebitali Katonda, obwenzi, ebitugiibwa waire omusaayi.

Amateeka Agokubiri 12:16

Aye mutalyanga ku musaayi gwa nsolo yoonayoona. Mwidha kuguyughanga bwa ku itaka ng'oti maadhi.

Amateeka Agokubiri 12:23

Aye mwegenderezenga mulobe kulya ku musaayi, kuba omusaayi n'obulamu. Kale ni mutalyanga bulamu ghalala na mamba.

Amateeka Agokubiri 15:23

Aye mutalyanga ku musaayi gwadho. Mwidha kuguyughanga bwa ku itaka ng'oti maadhi.”

1 Samueli 14:32

Baagwidhubanira ku munhago, baatoola entaama n'ente baadhiitira agho, baalya emamba ng'erimu n'omusaayi.

1 Samueli 14:33

Agho baakobera Saulo bati: “Bonayo, abantu bali kukola ekibi eri Musengwa Katonda nga balya emamba ng'erimu n'omusaayi.” Saulo yaabakoba ati: “Mughemukiire Musengwa Katonda mwalekera okuba abeesigwa y'ali. Mungalangulire eibaale eikologho mulindeetere ghano.”

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”