Abalevi 19:15 - Baibuli Ekibono kya Katonda 2014

¹⁵ “Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Abalevi 19:15 ပူးပေါင်းရင်းမြစ်များ

Yobu 13:8

Mutyo bwe munaasaliriza nga mwekubiire ku luuyi lwe, olwo muwoze omusango gwe asinge?

Yobu 32:21

Tiidha kwekubira ku luuyi lw'ono oba olw'ole. Tiidha kubaaku ye nsuutiriza.

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 82:2

“Mulituusa gha okusalirizanga emisango, n'okwekubiranga ku luuyi olw'abakozi b'ebibi?

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Ensambo 24:23

Dhino dhoona ndhogera dha ba magezi: Kiba kibi omuntu okusaliriza ng'ali kusala emisango.

Ensambo 31:9

Boogererengagho, obasalirenga mu butuufu, era olwanirirenga ebyo abaavu n'abali mu bwetaavu bye bagwaniire okukolerwa.”

Abalevi 19:35

“Mutakupankupanianga muntu yeenayeena nga mukozesa ebipimo ebitali bituufu mu kupima obuleeyi, oba obuzito, oba obungi obw'ebintu.

Yoanne 7:24

Mutasalanga musango nga mujiira ku bya ku ngulu, aye musalenga nga mujiira ku kituufu.”

Ebikolwa by'Abatume 23:3

Paulo yaakoba ati: “Iwe ekisenge ekyabbaakibwa erangi endheru, Katonda alikukuba. Otyaime okunsalira omusango ng'Amateeka bwe gakoba, kabiri waalagira okunkuba Amateeka kye gatakoba!”

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’