Abalevi 19:14 - Baibuli Ekibono kya Katonda 2014

¹⁴ Mutakolimiranga musigha, era mutateeranga mutulu kitimuguunha mu ngira ni yeekontolaku. Aye mutyenga nze Musengwa Katonda waimwe.

Abalevi 19:14 ပူးပေါင်းရင်းမြစ်များ

Amainhama 42:18

Ku lunaku olw'okusatu Yosefu yaabakoba ati: “Nze ndi muntu atya Katonda. Kale mukole kye nja okukoba, memale mughange okuwonia obulamu bwaimwe:

Nehemia 5:15

Abafuzi abansooka okufuga Buyudaaya, baakaluubirizanga abantu nga babasalira okuleeta emere, n'omwenge ogw'emizabbibu, n'ebitundu bya feeza amakumi ana (40). Ate n'abagheereza b'abafuzi abo, boona baakaluubirizanga abantu. Aye nze nga tikola ntyo, kuba nga ntya Katonda.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Abalevi 19:32

“Mutenga ekinhagansi mu bantu abakairiighe, era mubaisengamu ekitiisa. Era muntyenga nze Musengwa Katonda waimwe.

Abalevi 25:17

Mutaseeragananga, aye mutyenga Musengwa Katonda waimwe.

Ab'e Roma 12:14

Musabirenga ababakiriga aye mutabakolimiranga.

Ab'e Roma 14:13

Kale ni tukange agho buli muntu okunenianga mwine. Era tutaleeteranga waluganda kugwa mu kibi.

1 Ab'e Korintho 10:32

Mutakolanga kintu ekireetera Abayudaaya, oba abamaghanga agandi, oba Ekikunsu eky'Abaikiriza mu Kurisito ekya Katonda okugwa mu kibi.

Amateeka Agokubiri 27:18

“ ‘Omuntu yeenayeena anaabuzanga omutulu okumutoola ku ngira entuufu, akolimirwenga!’ “Olwo abantu boonaboona baliiramu bati, ‘Amiina.’

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.

1 Petero 2:17

Buli muntu mumutengamu ekinhagansi. Mugonzenga aboluganda. Mutyenga Katonda, era ni Kyabazinga mumutengamu ekinhagansi.

Okwolekebwa 2:14

“Aye ndiku ni bye ntakusiimaku: Eyo oliyo n'abantu abajiira ku kwegeresa kwa Balaamu eyayegeresa Balaki okusendasenda Abaisiraeli okugwa mu kibi balye ebigheereibwayo eri ebisinzibwa ebitali Katonda, era bakole eby'obudankaanu.