Abalevi 19:13 - Baibuli Ekibono kya Katonda 2014

¹³ “Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Abalevi 19:13 ပူးပေါင်းရင်းမြစ်များ

Yobu 17:5

Omuntu yeenayeena alya mu baine olukwe olw'okufuna ebintu byaibwe, abaana be balidaagadaaga.”

Yobu 31:39

era bwemba nga ndya ebibala byamu aghazira kusasula, ni ndeka beene byo okufa endhala,

Yobu 7:2

Ng'omwiru bwe yeegomba okuwuumulaku mu kiwoleeze, era ng'omupakasi bw'asuubira empeera ye,

Okuvaayo 20:15

“Mutaibanga.

Okuvaayo 22:13

Ensolo eyo bw'enaabanga nga yaitibwa nsolo dha mu nsiko era nga ye baagikuumisa asobola okwoleka ku bitundu byayo ebyasigalagho, t'agisasulenga.

Okuvaayo 22:15

Aye mwene yo bw'anaabanga nga n'eyali nayo, ole taidha kugisasulanga. Bw'enaabanga empangise, ole aidha kusasulanga mpiiya dha kugipangisa dhonka.”

Okuvaayo 22:21

“Omuntu ow'eighanga erindi otamubisanga bubi oba okumutuntuza, kuba mwena mwali ba ighanga lindi nga muli e Misiri.

Okuvaayo 22:7

“Omuntu bw'anaaghanga mwine empiiya oba ebintu bye eby'omughendo okubimukuumira, memale ni babiibira mu ndhu y'oyo ye babighaire okubikuuma, omwibi bw'anaagemwanga anaasasulanga ebintu ebyo emikuzi ebiri.

Ensambo 20:10

Musengwa Katonda yeenhinhata abo abakozesa ebipimo ebitali bituufu.

Ensambo 22:22

Otatetenkerezanga mwavu olw'okuba ti yeeghanga, oba okukiriga omughafu ali kuwoza omusango.

Ensambo 3:28

Otakobanga muntu kwira lwaidho, ng'ate ky'ayenda oli nakyo agho.

Yeremia 22:13

“Akagwireku oyo azimba endhu ye mu kukupankupania, n'agitaaku n'ebisenge ebya ghaigulu mu kulyaka, ng'akozesa abantu emirimo ku bwereere aghazira kubagha mpeera yaibwe.

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 22:29

Abatyamye b'omu nsi eyo bakola obukupankupania, baanhaga ku bantu ebyaibwe. Banhigiriza abaavu n'abali mu bwetaavu, baakupankupania ebintu by'abasenze aghazira kusaasira naire.

Abalevi 25:14

Kale bwe mubanga muguza Baisiraeli banaimwe eitaka, oba nga mubagulaku, mutaseeragananga.

Abalevi 25:17

Mutaseeragananga, aye mutyenga Musengwa Katonda waimwe.

Abalevi 6:3

oba ng'aboine ekintu ekyabula yaakyeiriza, era yaalayira ebiziramu ati takibonangaku.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 20:8

Eigulo bwe bweryatuuka, mwene isamba ery'emizabbibu yaakoba omusaadha we akozesa abakozi ati: “Yeta abakozi obasasule enkemba ng'otoolera n'abasembyeyo okwidha, okutuuka ku basoose.”

Mariko 10:19

Ebiragiro obiidhi: ‘Toitanga, toyendanga, toibanga, toghaayirizanga, tokupankupanianga, lata wo n'inhoko obaghanga ekitiisa.’ ”

Luka 3:13

Yaabakoba ati: “Mutaswisangagho ku ekyo ekibalagirwa.”

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

1 Timotheo 5:18

Kuba ebyaghandiikibwa bikoba biti: “Tosibanga nte munwa bw'eba ng'emulungula engaano”. Era biti: Omukozi agwana okusasulwa enkemba ye.

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.