Abalevi 19:10 - Baibuli Ekibono kya Katonda 2014

¹⁰ Era mutairangayo inhuma mu masamba gaimwe ag'emizabbibu okusoloza egyo egyerabiirwa okusala oba okulonderera egiba gikunkumwike. Ebyo byonabyona mubirekeranga abaavu n'abasenze. Ninze Musengwa Katonda waimwe.

Abalevi 19:10 ပူးပေါင်းရင်းမြစ်များ

Isaia 17:6

Abantu abalisigalagho mu Isiraeli baliba batono inho, ng'oti n'omuti omwoliva gwe banozeeku emyoliva, ni gusigazaaku ebiri oba esatu ghaigulu ku busanso bw'ensaga obusembayo, oba ni gusigazaaku ena oba etaanu ku nsaga dhaagwo edha ghansinsi. Nze Musengwa Katonda wa Isiraeli ntyo bwe nkobye.

Isaia 24:13

Kityo bwe kiriba mu maghanga goonagoona ag'omu nsi. Kiriba ng'oti ni mu biseera eby'amakungula nga bamaze okukuba ebibala okuva ku miti emyoliva, n'okunoga emizabbibu egisembayo.

Yeremia 49:9

Abantu bwe baba banoga emizabbibu balekakuuku egindi, n'abaibi bwe baidha okwiba obwire batwalaku ebyo bye benda byonka.

Abalevi 11:44

Ninze Musengwa Katonda waimwe. Mubenga batukuvu, kuba nze ndi mutukuvu. Muteereeteranga kuba batali batukuvu nga mulya ku mamba ey'ebyekululira ku itaka ebyo.

Abalevi 19:11

“Mutaibanga, mutakupankupanianga, era mutaguyaguyanga.

Abalevi 19:25

Aye mu mwaka ogwokutaanu, muliba ba idembe okulya ku bibala byagyo. Ebyo byonabyona bwe mulibituukiriza, emiti gyaimwe giribala inho. Ninze Musengwa Katonda waimwe.

Abalevi 19:9

“Bwe munaabanga mukungula ebirime byaimwe, mutamalirangayo irala ebisembayo ku mbibi dh'enimiro dhaimwe, oba okwirayo einhuma okulonderera ebyo ebiba bisigaireyo.

Abalevi 23:22

“Bwe munaabanga mukungula ebirime byaimwe, mutamalirangayo irala ebisembayo ku mbibi dh'enimiro dhaimwe. Oba okwirayo einhuma okulonderera ebyo ebiba bisigaireyo. Ebyo byonabyona mubirekerenga abaavu n'abasenze. Ninze Musengwa Katonda waimwe.”

Abalevi 25:6

Waire ng'eitaka tiriirimwenga omwaka ogwo gwonagwona, aye linaababalizanga emere, imwe, n'abairu baimwe, n'abakozi baimwe, n'abasenze abali mu imwe,

Obadia 1:5

Abaibi bwe baidha okwiba obwire, batwalaku ebyo bye benda byonka. N'abanoga emizabbibu balekakuuku egindi. Aye iwe abazigu bo baidha kukuzikiriza!

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Amateeka Agokubiri 24:19

“Bwe munaakungulanga ebirime byaimwe, aye ni mwerabirayo ekinhwa ky'engaano mu misiri, mutairangayo kukitoolayo. Ekyo mwidha kukirekeranga abasenze, ni bamulekwa, ni banamwandu. Olwo Musengwa Katonda waimwe aghange okubaghanga enkabi mu byonabyona bye munaakolanga.

Amateeka Agokubiri 24:20

Bwe munaamalanga okughanula ebibala ku miti emyoliva, mutairangayo ku nsaga dhaagyo kabiri kughanulaku ebisigaireku. Ebyo mwidha kubirekeranga basenze, ni bamulekwa, ni banamwandu.

Amateeka Agokubiri 24:21

Bwe munaamalanga okukungula emizabbibu mu masamba gaimwe, mutairangayo kulonderera gisigairemu. Egyo mwidha kugirekerenga basenze, ni bamulekwa, ni banamwandu.

Abalamuzi 8:2

Aye yaabakoba ati: “Kye nakola kitono inho, bw'okigerangerania n'ekyo imwe kye mukoze. Imwe abantu aba Efuraimu kye mukoze, kisinga ghala ekyo ife ab'endhu ya Abiezeri kye tukoze.

Ruthi 2:2

Lulala, Ruthi Omumoabu yakoba Naomi ati: “Njeeku mu misiri eyo nonderonde ku sayiri aja ng'akunkumuka ku bakungula? Nkakasa nga ndidha kwagaanayo ananganha okukola ekyo.” Naomi yaamwiramu ati: “Kola oje mwana wange.”