Abalevi 18:5 - Baibuli Ekibono kya Katonda 2014

⁵ Agho ni mugemenga amateeka n'ebiragiro bye mbagha. Anaabituukirizanga, anaabanga mulamu. Ninze Musengwa Katonda.

Abalevi 18:5 ပူးပေါင်းရင်းမြစ်များ

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Okuvaayo 6:2

Agho Katonda yaayogera ni Musa, yaamukoba ati: “Ninze Musengwa Katonda.

Okuvaayo 6:29

Musengwa Katonda oyo yakoba Musa ati: “Ninze Musengwa Katonda. Kobera kyabazinga ow'e Misiri, byonabyona bye nkukoba.”

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Ezekieli 18:9

Ajiira ku biragiro byange era n'akuuma amateeka gange. Oyo n'omuntu omutuufu era bwenebwene aliba mulamu.” Musengwa Katonda atyo bw'akobye.

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Abalevi 18:6

“Ghatabangagho ku imwe aseeta eri muntu amuliku luganda n'aba naye mu buliri. Ninze Musengwa Katonda.

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.

Matayo 19:17

Yesu yaamukoba ati: “Ombuuliza ki ku kirungi? Omulungi ali mulala. Aye oba nga oyenda okufuna obulamu obutawaagho, gema ebiragiro.”

Luka 10:28

Yesu yaamukoba ati: “Oizeemu bukalamu, kola otyo, oidha kuba mulamu.”

Ab'e Roma 10:5

Kino Musa kye yaghandiika ku butuukirivu obujiira ku Mateeka ati: “Kiisi akola ebyo Amateeka bye galagira, aliba mulamu.”

Ab'e Roma 7:10

era kyandeetera okufa. Kale ekiragiro ekyandibaire nga kindeetera obulamu, kyanviiramu kufa.

Ab'e Galatia 3:12

Aye Amateeka tigeesigama ku kwikiriza, kuba ebyaghandiikibwa era bikoba biti: “Oyo akola ebyo byonabyona bye galagira aliba omulamu olw'Amateeka.”

Amateeka Agokubiri 30:20

Mugonzenga Musengwa Katonda waimwe, mumuwulirenga, era mubenga beesigwa y'ali. Kuba oyo, n'obulamu bwaimwe, era n'obughanguzi bwaimwe. Olwo mwidha kubanga mu nsi Musengwa Katonda waimwe ye yasuubiza okugha badhaadha baimwe Aburahamu, ni Isaaka, ni Yakobo.”

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Amateeka Agokubiri 4:1

Musa yaayongera okukoba Abaisiraeli ati: “Agho ni muwulirenga amateeka n'ebiragiro bye ndi kubeegeresa mubituukirizenga, olwo mughange okuba abalamu, mwingire mu nsi Musengwa Katonda, Katonda wa badhaadha baimwe y'ali kubagha, era mugitwale.